Cancro
O Concello de Lourenzá organiza unha charla e instalará un photocall para conmemorar o Día Contra o Cancro de Mama o vindeiro martes, 19 de outubro.
A charla, sobre a vulnerabilidade en pacientes con cancro de mama, será ás 17:00 horas no centro de servizos sociais O Torreón dos Frades e correrá a cargo de representantes da Asociación Española contra el Cáncer.
Anunciouno a concelleira de Servizos Sociais, Mercedes Dengra, quen ademais explica que “a fachada da Casa do Concello tinguirase de rosa un ano máis. Haberá tamén un photocall, que se instalará diante do quiosco da música, para que todas as persoas que queiran poidan sacar unha foto e subila as redes sociais co hashtag #sacapecho”.
O Concello de Cervo organiza unha andaina en conmemoración do Dia Internacional contra o Cancro de Mama.
Ás 17:30H a supervisora da unidade de cirurxía no Hospital da Costa de Burela, María Eugenia Rodríguez Barreiro, dará unha charla sobre a materia no Auditorio da Casa da Cultura de San Ciprián.
A continuación iniciarase unha andaina con saída na propia Casa da Cultura.
Para a Concelleira Mali Méndez “é importante que, despois da pausa obrigada do ano anterior debido á pandemia, poidamos seguir levando a cabo esta andaina que xa se viña celebrando durante moitos anos”. Engade tamén que “desde o Concello de Cervo queremos aportar o noso pequeno grao de area á hora de visibilizar e crear conciencia sobre a importancia desta enfermidade que afecta diariamente a tantas mulleres”.
A asociación Os Sendeiros de Foz organiza a II Andaina contra o Cancro, en colaboración con la delegación local da AECC, que terá lugar o 11 de xullo.
A marcha discorrerá polas rúas de Foz, cunha lonxitude de 5´7 quilómetros e rematará no porto onde haberá huchas para recoller donativos. A saída será ás 10:30 horas da praza do Concello.
Para participar é obrigatorio anotarse e pódese facer nos teléfonos: 606 718 482, 670 369 017 e 680 426 933. O prazo remata o venres, 9 de xullo.
Os organizadores levan a cabo esta iniciativa, un ano máis, para visibilizar a loita contra esta enfermidade e recadar fondos para esa causa.
Acisa colabora coa Asociación Española Contra el Cáncer realizando unha recollida de donativos do 12 ao 20 de outubro. Arredor de 80 establecementos contarán con huchas para que a clientela que queira poida deixar as súas achegas.
Desde Acisa consideran que “colaborar e participar en campañas solidarias como esta é un deber moral, non nos costa nada e podemos axudar a moitas persoas, por iso a AECC e a súa agrupación de Ribadeo contan co noso apoio e a nosa colaboración”.
Acisa dalle ás grazas “á AECC por contar con nós para levar adiante esta campaña. E queremos darlles a noraboa polo traballo que fan día a día axudando e apoiando ás familias e ás persoas afectadas polo cancro”.
A campaña foi presentada este mediodía polo vicepresidente e polo xerente de Acisa, Juan Andina e Jesús...
leer más
O 3 de febreiro de 2018 celebrarase en Finca Galea de Alfoz unha gala benéfica a favor da Asociación Española Contra o Cancro (Aecc). O evento está promovido por un grupo de veciñas e veciños de Alfoz interesados en colaborar coa xunta provincial da Aecc en Lugo, que xa organizaron a gala deste mesmo ano e contan para a vindeira con varias incorporacións.
Unha desas incorporacións é a de Ana Carballo quen di que “todos e cada un de nós temos algo en común, unha loita que afecta tanto aos nosos seres queridos como a nós mesmos, e por iso unímonos por unha boa causa”.
Como novidade este ano, aquelas persoas interesadas en colaborar que non poidan asistir, teñen oportunidade de mercar os tiquets da cea para un asento na mesa cero, na que se dará a posibilidade de poñer nunha pantalla as fotos dos asistentes a dita...
leer más
Este xoves, dá 19 de outubro, terá lugar unha merenda solidaria no Centro Social Torreón dos Frades ás 18:00 horas con motivo do Día mundial contra o cancro de mama. Está organizada pola Concellería de Servizos Sociais.
Na merenda solidaria haberá mantecadas e chocolate para todos os asistentes e os donativos serán entregados a Asociación Española Contra o Cancro. O Concello de Lourenzá agradece a colaboración de Pastelería Cabaleiros, que contribúe aportando as mantecadas para a merenda.
A alcaldesa, Rocío López, e a concelleira de Servizos Sociais, Mercedes Dengra, fan un chamamento a todos os veciños e veciñas de Lourenzá para que participen “neste acto solidario, en apoio a todas aquelas persoas que padecen e loitan por superar esta enfermidade. Por segundo ano consecutivo decidimos organizar esta cita, dada a boa...
