Afeccionado
O día 4 de novembro, sábado, ás 20:00 horas dará comezo no multiusos Ponte de Cuñas a quinta edición do Certame de Teatro Afeccionado Concello de Lourenzá.
O concelleiro de Cultura, Manuel Arango Ron, anuncia que “o sábado 4 de novembro dará comezo o V Certame de Teatro Concello de Lourenzá. Abrirá o concurso o grupo Hipócrita Teatro, de Lugo, coa obra Arte, e rematará o 16 de decembro coa gala de entrega de premios, que incluirá a representación da obra Anacos, de Ítaca Teatro”.
As seguintes representacións do certame serán os días 5, 10, 11, 17, 19, 25 e 26 de novembro e correrán a cargo das compañías Ollomao, de Barreiros; O Torques, de Burela; Alxén, de Salvaterra; Anómico, de Vigo; Carauta, de Santiago; Fauna 113, de Vigo; e Coles, desa localidade da provincia de Ourense.
O sábado 21 outubro ás 20:00 horas no auditorio de Mondoñedo a compañía Metátese Teatro representará a obra titulada "Ao carón das palabras". Anúnciao a asociación cultural mindoniense O Pasatempo.
É unha actividade incluída no circuíto de teatro afeccionado da Deputación de Lugo, con entrada de balde.
Este xoves, 31 de agosto, venres 1 e sábado 2 de setembro Foz poderá desfrutar de tres grupos de teatro afeccionado que representarán ás súas obras en diferentes emprazamentos da vila. Por mor das previsións meteorolóxicas as obras do venres e do sábado serán en interior.
A concelleira de Cultura, Inés López Couto, explica que “o xoves 31 será a compañía Os pícaros de Lagoa a que poña en escena a obra Era boa si colara, que se representará na Praza Conde de Fontao ás 21.30 horas. O venres 1 comezaremos setembro coa compañía O Centiño e a obra De poucas luces, que será tamén ás 21.30 horas pero na Casa da Cultura. O sábado 2 será a compañía A Adala quen representará Marina Club, tamén na Casa da Cultura ás 21.30 horas”.
A edila móstrase “moi feliz xa que contamos con moitas compañías de teatro afeccionado que nos...
leer más
O Concello de Foz organiza a segunda edición do certame de teatro afeccionado José Luis López Lorenzo (O Poto), que comeza mañá, venres.
A concelleira de Cultura en funcións, Inés López Couto, anuncia que “o Concello de Foz prosigue o seu traballo na área cultural. O evento máis próximo é o certame de teatro afeccionado creado no ano 2022 e que pretende a visualización do esforzo e creatividade dos grupos de teatro afeccionado na difusión da cultura. O certame conta con seis días nos que en cada un se representará unha nova obra. Serán todas ás 20 hos na Casa da Cultura Poeta Manuel María”.
O certame comezará este venres, 9 de xuño, coa obra A liorta, de Avelaíña Teatro. O sábado 10 será a quenda de Vacacións, de A Tequerreté Teatro. E para cerrar o primeiro fin de semana, o domingo 11 de xuño a Asociación...
leer más
O Bordelo presenta mañá, venres, na Casa da Cultura O covid do mariñán.
O concelleiro de Cultura, José Díaz, dixo que “este venres, 16 de decembro, ás nove da noite no auditorio da Casa da Cultura temos a actuación do grupo de teatro O Bordelo, de Cervo, que como sempre desde xa hai moito tempo presentan practicamente cada ano unha nova obra teatral e fana, por suposto, tamén en Burela”.
O edil burelés explicou que “neste caso titúlase O covid do mariñán e promete ser, como todas as obras dirixidas polo gran Paco Piñeiro, divertida e para facernos rir a todos, que boa falta nos fai nestes tempos como estes, tan controvertidos”.
Participan na representación 6 actrices e actores e a duración será de 90 minutos. A entrada é de balde.
Segue o Mes do Teatro en Alfoz con Lume Escénico, da Pontenova, o 12 de novembro na Casa da Cultura.
Alfoz continúa co Mes do Teatro. O vindeiro sábado, 12 de novembro, ás 20:30 horas no Salón de Actos da Casa da Cultura Lume Escénico, o grupo de teatro da Pontenova, presenta "Albergue Casa Amarelo. O misterio da Via Rexia" dentro do Ciclo "Elemental?" do Circuíto de Teatro Afecionado 2022 da Área de Cultura da Deputación Provincial.
Comedia. A partir de 12 anos.
Sinopse: A Vía Rexia é a máis antiga do Camiño Norte de Santiago, pero fai séculos desapareceu dos mapas e escritos peregrinos. A razón? un misterio que debe ser resolto na mesma aldea de Xudán. Hai xudeus e xudías en Xudán? O mesmo Paco que ocupa no Vaticano o lugar de Pedro o pescador, busca unha resposta. O grande misterio da cristiandade será revelado.
Do 4 ao 6 de novembro terá lugar en Ribadeo a XIX Mostra de Teatro Afeccionado Daniel Cortezón.
A concelleira de Cultura, Pilar Otero, contou que “as tres representacións das que poderemos disfrutar serán ás oito da tarde no Teatro. E as entradas poderán mercarse ao prezo de 3 euros alí mesmo na billeteira”.
A edil ribadense explicou que “a décimo novena edición da Mostra de Teatro Afeccionado Daniel Cortezón arrinca este venres, 4 de novembro, con Avelaíña Teatro, de Vigo, que porá en escena A Lola. Seguiremos o sábado, día 5, cun grupo de aquí ao lado. Lume Escénico, de A Pontenova, que representará Albergue Casa Amarelo. E xa o domingo desde Ferrol chegará Opaí Teatro con De marzo a marzo”.
Otero Cabarcos anima “ás persoas amantes do teatro a achegarse ata Ribadeo estes días para...
leer más
A Vicepresidencia da Deputación de Lugo pon en marcha unha nova edición do Circuíto de Teatro Afeccionado, que inclúe 87 representacións espalladas por todas as comarcas. Vintenove compañías –dez máis que na última edición- representan as súas obras no marco deste programa, co que a área de Cultura mantén o apoio ás artes escénicas e ofrece a asociacións e concellos a posibilidade de ampliar as súas axendas culturais.
Trátase de Asociación Cultural Abrente (As Nogais), Alentía Teatro (Palas de Rei), Metátese Teatro (Palas de Rei), Grupo de Teatro da Biblioteca Municipal de Antas de Ulla, Falcatrueiros (Monterroso), Argalleiras (Chantada), Teatreiras (Monforte), Viraventos (Monforte), Hipócrita Teatro (Lugo), Grupo de Teatro do Hospital – HULA (Lugo), Os Palimoquiños (Lugo), Nova Escena (Lugo), Curuxan Teatro Impro (Lugo), Grupo de...
leer más
O Concello de Lourenzá dá a coñecer os nove grupos que participarán no IV Certame de Teatro Afeccionado, que se celebrará no mes de novembro no novo local multiusos Ponte de Cuñas.
As obras e grupos seleccionados son:
A morte morrida, de O Centiño, de San Martiño de Foz
A liorta, de Avelaíña Teatro, de Pontevedra
Pepa Loba, de Teatro Coles, de Coles (Ourense)
Fatum, de Catre Teatro, de As Pontes (A Coruña)
Sainetes, de Quemaistén, de As Pontes (A Coruña)
Eres único, da Asociación Saúde Mental A Mariña, de Cervo
E se todo se reducise ao amor, de Os Palimoquiños, de Lugo
Vivan os noivos, de Adala Teatro, de Fazouro (Foz)
O documento, de Ollomao, de Barreiros
O concelleiro de Cultura, Manuel Arango Ron, anuncia que o 17 de decembro terá lugar a gala de entrega de...
leer más
Este martes comezou a XXI Semana do Teatro Afeccionado de Foz, que conta con catro das súas compañías amateur para as representacións na rúa.
A concelleira de Cultura, Inés López Couto, explica que “a primeira obra foi representada no colexio Nº1 polo grupo infantil da Adala coa obra Maruxa narradora de lendas. A continuación este venres a obra que se poñerá en escena será O Randiña, de Pico do Castro, no Campo da Cabana ás 21.00 horas. O sábado a Adala (adulto) representará Vivan os noivos na praia da Rapadoira ás 21.00 horas. E a esa mesma hora o domingo na Praza do Concello poderá gozarse do grupo Axóuxeres coa súa obra Cousas de mulleres”.
Inés López engade que “esta é a continuación do certame de teatro afeccionado que se realizou en Foz no mes de xuño e que tivo como gañadora a obra Vivan os noivos e como...
leer más