Ourol
O Concello de Ourol organiza un percorrido con dezasete puntos de visita pola arquitectura indiana do municipio os días 5 e 6 de agosto. Comezando na Casa de Puentes e rematando co Cemiterio Indiano de Xerdiz. A ruta realizarase nun autobús propio da arquitectura da época.
Precísase de previa inscrición, que se abrirá a mediados do mes de xullo. Ademais pode recibirse máis información no teléfono 982.55.90.19. Tamén existe un mapa interactivo no que se poden ver imaxes dos edificios e paradas que se farán durante a visita. Cada un dos dezasete recursos conta con información específica accesible dende a web de Turismo de A Mariña Lucense.
O proxecto está organizado polo Concello de Ourol pero conta co apoio da Mancomunidade de A Mariña Lucense, con cargo ao Plan de Sostebilidade Turística da Mariña Lucense,...
leer más
O vindeiro martes, 23 de maio, ás 16:30 horas.terá lugar no Edificio Multiusos un curso sobre Exercicio Físico e Ocio para maiores. Este curso realízase en colaboración coa Escola Galega de Saúde para Cidadáns e vai dirixido a toda a poboación.
Esta actividade ten como obxectivo proporcionar coñecementos sobre a importancia dun estilo de vida saudable e o desenvolvemento de actividades físicas que atrasen o envellecemento e a perda de masa corporal favorecendo a prevención de enfermidades.
Todas aquelas persoas interesadas en participar nesta actividade poden anotarse chamando ós teléfonos 982559109/677489457
Esta fin de semana seguen as experiencias de turismo slow da Mariña Lucense. Deron comezo o pasado 11 de marzo e prolongaranse ata o 23 de abril. O 25 de marzo chegan a Ourol e Viveiro. Dito programa de actividades está organizado pola Mancomunidade de Concellos da Mariña Lucense.
As experiencias de Turismo Slow continúan este sábado, 25 de marzo, con dúas actividades moi diferentes. Por un lado o carpinteiro francés Sebástien Léprevost ofrecerá un obradoiro para coñecer todo o ciclo da madeira e fabricar unha pequena peza no seu taller de Ourol e, por outro Roqsport ofrece vivir unha experiencia diferente en familia e en plena natureza no seu Parque de Aventura de Viveiro, onde se poderán realizar os distintos circuítos de diferentes dificultades entre árbores atravesando pontes, pasarelas, tirolinas, etc e un percorrido de orientación...
leer más
A parroquia de Bravos, no concello de Ourol, celebra a súa tradicional Festa da Tortilla este sábado, 25 de marzo, como cada ano por estas datas.
Está organizada pola asociación de veciños Irmáns Vilar Ponte e será no seu local social a partir das 21:00 horas.
Haberá degustación de tortilla e de raxo de balde, ademais de baile amenizado polo dúo Estrellas.
Mª Isabel Fernández García falará o 9 de marzo en Ourol do seu libro "Pioneiras da ciencia en Lugo".
A catedrática de Química Inorgánica da Facultade de Ciencias da Universidade de Santiago de Compostela, Mª Isabel Fernández García, estará en Ourol o vindeiro día 9 de marzo ás 18:00 h para falar do seu libro “Pioneiras da ciencia en Lugo” e sobre todo de tres mulleres de Ourol pioneiras en ciencias: Remedios Vázquez García, Segunda Vázquez García e Aurora Chao Quintana.
Neste libro recóllese a vida académica e laboral de 62 mulleres pioneiras no eido da ciencia que foron abrindo camiño para as que viñeron despois. Con este traballo a autora pretende visibilizar a situación da muller na universidade e sobre todo nas ciencias e poñer en valor o seu traballo e a súa contribución para acadar a igualdade da muller.
Este encontro será no Edificio Multiusos de Ourol.
O espectáculo Tabú, da compañía lucense Tarabela Creativa, protagonizado por Carmen Conde con música ao vivo de Nastasia Zürcher, chega este domingo 5 de marzo a Ourol para conmemorar o Día da Muller. Será no Edificio Multiusos do concello a partir das 17.00 horas. A entrada será de balde.
"Tabú" é o espectáculo de Carmen Conde, que nace froito das conversas recollidas con mulleres de entre 70 e 95 anos no Valmiñor, o Morrazo, o Courel, a Mariña Lucense, a Costa da Morte e o Couto Mixto sobre a súa vida erótica e sexual de xuventude.
Un show de narración oral coa misión de transmitir as historias de confusión, segredismo, amor, picaresca e sexualidade (a máis cruel e a máis desexada) das mulleres que son cimento da nosa terra, as que poden explicar o que somos agora nós: fillas do Tabú.
Un tendal para poñer ao clareo todas...
O vindeiro día 15 de febreiro, mércores, terá lugar un curso sobre psicomotricidade e memoria na terceira idade. Esta actividade levarase a cabo no Edificio Multiusos do Concello de Ourol a partir das 16:00 horas.
“Se queres aprender a mellorar a túa capacidade física e mental, anótate nos teléfonos 982.55.91.09 ou 677.48.94.57. Este curso contará cunha sesión teórica e unha sesión práctica”, explican os promotores desta actividade.
Organiza o Departamento de Servizos Sociais do Concello de Ourol en colaboración coa Escola Galega de Saúde.
O Seminario de Estudos Terra de Viveiro organiza unha viaxe a Xerdiz e un xantar de Entroido no antigo salón de baile desa parroquia de Ourol o día 12 de febreiro, domingo.
Durante a excursión visitarán a fervenza da Xestosa, casas e escolas indianas, a ruta cicloturistica de Ourol e os cemiterios artísticos de Miñotos e Xerdiz.
A saída será ás 10:30 da mañá dende a Estación de Autobuses de Viveiro. Os prezos da actividade son 25 euros para os socios do colectivo organizador e 28 euros para as persoas que non o son. Os tickets poden recollerse en Aquilino Mapfre.
Para esta actividade o Seminario de Estudos Terra de Viveiro conta coa colaboración do Concello de Viveiro.
A Biblioteca de Ourol organiza esta actividade para nenos/as e familias desde os 3 anos e ata os 99. Hocus Pocus é un espectáculo cheo de maxia, xogos, música e diversión.
Será o 20 de outubro ás 18:30 horas no edificio multiusos de Ourol.
Os asistentes gozarán unha festa aloucada, divertida, dinámica e con moitas sorpresas.
Para acudir é preciso inscribirse ata o 18 de outubro no teléfono 982 55 90 19 ou no 608694051 (whatsapp).
A entrada é de balde.
O Concello de Viveiro informa da ruta organizada entre a vila e Ourol, enmarcada no Camiño Nordés, que se celebra o próximo 17 de setembro.
A alcaldesa de Viveiro, María Loureiro, e o tenente de alcaldesa, Jesús Fernández, reuníronse hoxe co representante da organización "Asociación Camiño Real', Antonio Pereiras Penabad, para ultimar os detalles.
Esta cita é a cuarta ruta organizada do Camiño Nordés, entre Viveiro e Vilalba. A ruta de 12 km será a última etapa desta iniciativa, que reivindica o antigo Camiño Real entre ambas localidades.
Haberá dúas modalidades para realizar esta etapa: cabaleiros e viandantes.
A saída será ás 10.00 na avenida de Ferrol, en Viveiro, onde habitualmente se coloca o mercado. Os viandantes percorrerán a Rúa Nova ata o paseo...
leer más