Ribadeo
A concelleira de Servizos Sociais, Mónica Freire, agradece a resposta da veciñanza para que todas as nenas e os nenos de Ribadeo reciban agasallos este Nadal.
A edil ribadense fai un balance positivo da campaña de recollida de xoguetes Dálle unha volta ao Nadal: “agradecemos enormemente a colaboración e implicación da veciñanza nesta campaña”.
Mónica Freire subliñou que “as familias que o precisen, poden pasar en horario de mañá polo auditorio, polo departamento de Servizos Sociais, para recoller os xoguetes para a visita do Apalpador e do Reis Magos”.
A concelleira de Servizos Sociais engadiu que “tamén contamos coa colaboración da Anpa do Ceip Gregorio Sanz, que nos fixo chegar xogos e outros agasallos. Agradecemos tamén o seu xesto”.
A nova edición da...
leer más
Arrincou a segunda edición do RibaXogo na gran carpa instalada no parque de San Francisco. Os tíckets para acceder poderán conseguirse en comercios, en establecementos hostaleiros e de servizos, en calquera micropeme ou pequena empresa de Ribadeo, de calquera sector, despois de ter feito unha compra ou de ter consumido por un importe superior a 5 euros.
O RibaXogo está aberto hoxe en horario de 12 a 14 horas e de 17 a 21 horas, ao igual que os días 30 de decembro, 7 e 8 de xaneiro. O 24 e o 31 de decembro o horario será de 12 a 14 horas polas mañás e polas tardes de 16:30 a 19:30 horas. O resto das xornadas 26, 27, 28 e 29 de decembro e 2, 3, 4 e 5 de xaneiro RibaXogo abrirá de 17 a 21 horas. Os días 25 de decembro, 1 e 6 de xaneiro este centro de ocio estará pechado.
O concelleiro de Comercio e Desenvolvemento...
leer más
Os locais hostaleiros asociados a Acisa Ribadeo desfrutarán dunha ampliación de 2 horas mais sobre o seu horario habitual de licenza durante as madrugadas das principais datas destas festas de Nadal.
Desde a Asociación de Comerciantes, Industriais, Servizos e Autónomos de Ribadeo o xerente, Jesús Pérez, explica que “no dia de hoxe vimos de lembrarlles aos nosos asociados e asociadas a resolución do Concello de Ribadeo pola que so os establecementos membros de Acisa Ribadeo contarán con 2 horas mais de autorización para poder traballar nestas datas de Nadal. Grazas a esta ampliación, tramitada por Acisa ante o Concello de Ribadeo, estamos a falar de que nas datas indicadas, os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas de 06:00 a 08:00; e os pubs das 04:00 ás 06:00 da...
leer más
A Banda Municipal de Música de Ribadeo recupera o seu tradicional concerto de Nadal titulado Aquí como en Viena, que o ano pasado non se celebrou debido á pandemia de Covid. Será o vindeiro xoves, día 29, ás 20:30 horas no auditorio municipal Hernán Naval con entrada de balde ata completar aforo.
O director da Banda ribadense, David Ballester, anuncia que “a Banda Municipal de Música de Ribadeo chega con Aquí como en Viena, un concerto típico destas datas que non pode faltar. O ano pasado tivemos que cancelalo polo motivo ben sabido por todos: o alto número de contaxios de Covid que había na nosa vila. Pero este ano estamos de volta con moitas ganas. Como todos os anos, este concerto estará dividido en dúas partes: a primeira cun repertorio moi ameno e variado e a segunda que xa nos traslada a Viena, con pezas da familia Strauss e algunha...
leer más
Seis establecementos hostaleiros da Zona Vella de Ribadeo -A Cova, Chámalle Estopa, Cienfuegos, O Alén, O Recuncho e Ribanzo- organizan un evento para este venres, día 23, que inclúe o sorteo dun coche Volkswagen Polo e un concerto na praza José María López, do casco histórico ribadense.
O concerto, a cargo do grupo Sintético Fantástico, empezará ás 22:30 horas e o sorteo presencial será ás doce da noite. Para iso os establecementos organizadores entregaron rifas aos seus clientes nos últimos meses.
Os organizadores do evento explican que o coche que sortean “será transferido, con seguro e o depósito de combustible cheo”.
A cuarta edición da moeda local, a Pancha, está tocando á súa fin coa adquisición das 200.000 panchas que se puxeron en circulación o pasado 1 de outubro. Dende o inicio da campaña leváronse a cabo máis de 3.300 operacións coa moeda local, cun aforro de máis do 33% en cada unha delas.
O concelleiro de Economía, Desenvolvemento Local e Turismo, Pablo Vizoso, cualificou como un éxito o desenvolvemento da campaña e asegurou que “son máis de 100 establecementos de comercio, de hostalaría e do sector servizos de Ribadeo os que se están vendo moi beneficiados coa Pancha. Proba disto é a adquisición da totalidade da moeda local posta a disposición por este ano”.
Pablo Vizoso mostrouse moi satisfeito, “posto que dende o Concello se realizou unha forte inversión, un total de 85.000 euros de fondos públicos, que se traducen...
leer más
Deron comezo as actividades de Nadal de Acisa Ribadeo. Os mais pequenos e as máis pequenas da casa gozaron onte, domingo, de teatro.
A presidenta de Acisa Ribadeo, Carmen Cruzado, contou que “grazas a un dos nosos establecementos asociados Kids&Us nenas e nenos disfrutaron onte da obra de teatro Story Time The Elf´s Inventions no Teatro de Ribadeo. E o vindeiro sábado, día de Noiteboa, teremos un taller de adornos de Nadal. Será en dúas quendas, ás 10:30 e ás 11:45 horas nas instalacións de Kids&Us na rúa Rosalía de Castro”.
O xerente da Asociación de Comerciantes, Industriais, Servizos e Autónomos, Jesús Pérez, dixo que “estas non son as únicas actividades deseñadas para a rapazada de Ribadeo, xa que teremos as visitas de Papá Noel e do Apalpador. Pero de todo isto iremos dando conta ao longo dos...
leer más
A Concellaría de Mocidade deseñou un amplo programa de actividades de Nadal, que inclúen cine, deportes e teatro.
O edil David Rivas explicou que “teremos o ciclo Cine no Nadal os días 26, 27, 28 e 29 de decembro ás 17:30 horas no Cine de Ribadeo e coas entradas ao prezo de dous euros. A rapazada de todas as idades poderá ver películas como Tadeo Jones-La tabla esmeralda, Reyes contra Santa, A todo tren 2, Mundo extraño, Gato con botas: el último deseo ou Avatar: el sentido del agua”.
O concelleiro de Mocidade seguiu a relatar que “haberá actividades deportivas no pavillón da rúa Alfredo Deaño os días 27, 28, 29 e 30 de decembro de 11:30 a 13:30 horas para nenas e nenos a partir de 6 anos. Contaremos con tiro con arco, bádminton, inchable de escalada, multideporte e circuíto vial. E o 30 de decembro terá lugar...
leer más