Ribadeo

A Concellaría de Igualdade pon en marcha o vindeiro 28 de maio un novo domingo a pé. Será un percorrido de 13 quilómetros que estará guiado por Teresa Díaz. 

Desde o CIM e desde a Concellaría de Igualdade lembra que “os domingos a pé son unha actividade anual dirixidas ás mulleres adultas, co fin de promover un tempo para elas mesmas, un tempo de ocio, un tempo illadas das obrigas familiares, laborais… un tempo para rachar con esa dobre ou tripla xornada laboral. Ademais, de poder gozar dese tempo para elas, poderán coñecer lugares do seu entorno inmediato, e facer un pouco de exercicio físico”.

E engaden que “desta volta desprazarémonos desde Ribadeo  pola Pastoriza, Abraído, Reme de Abaixo, vía do tren de Vilaodrid, As Aceas, Os Bloques e Ribadeo cun percorrido de 13 quilómetros.  Esta ruta será o día 28 de maio...

Acisa presentou a campaña de fidelización que levará adiante do 15 de maio ao 15 de xullo co obxectivo de premiar aos clientes fieis do comercio e da hostalería ribadenses. Por cada compra ou consumición nos establecementos asociados os clientes recibirán unhas tarxetas seladas, que deberán cubrir cos seus datos, e gardalas para acudir o día 15 de xullo ao sorteo presencial que terá lugar no parque de San Francisco. En xogo poranse 1.000 euros en vales de compra.

O presidente de Acisa, David Martínez, dixo que “dende ACISA queremos premiar á xente que adiante as súas compras de primavera verano, e ademais tamén aos fieis, a todas esas persoas que están comprando todo o ano en Ribadeo, que teñan dous meses para mercar e gozar do noso comercio. E tamén por suposto da hostalería. Queremos premiar a toda a xente que está tanto consumindo na...

Os días 27 de maio, 10 e 17 de xuño en horario de tarde de 16:00 a 20:00 o Concello, en colaboración coa Asociación Os Abelleiros de Ribadeo, organiza un curso práctico teórico de iniciación á apicultura. 

Os días 27 de maio e 10 de xuño, de contido teórico, darase un repaso polas principais cousas que se necesitan para comezar no manexo de colmeas; farase un percorrido polos asentamentos, materiais necesarios, principais enfermidades, normativa apícola, extracción e comercialización do mel. 

E o día 17 de maio abordarase unha xornada práctica que se levará a cabo nun apiario,  onde se amosará como multiplicar colmeas dun xeito sinxelo. 

O curso é gratuíto e está dirixido a todas aquelas persoas que se desexen iniciarse  no mundo da apicultura. 

Para máis...

A programación da Concellaría de Cultura inclúe a celebración de obradoiros de swing os días 13 e 14 deste mes de maio. O programa denominado SwingEo 2017 inclúe talleres de baile e un concerto.

O sábado darán comezo os obradoiros de baile cun horario de 12:00 a 14:00 horas pola mañá e de 17:00 a 19:00 horas pola tarde. A actividade de lindy hop nivel iniciación será impartida por Carlos Tomico e Lucía Cameselle. Tamén o sábado terán lugar obradoiros de baile de 12:00 a 14:00 horas e de 17:00 a 19:00 horas, de lindy hop nivel perfeccionamento con John Scott e Julia Roig.

O programa do sábado rematará cun concerto dos Muskrat Rumblers a partir das 23:00 horas e baile no Teatro. Ademais desde a 1:00 horas haberá Festa Swing nos locais de Ribadeo.

O domingo, 14 de maio, celebrarase unha...