O Concello de Viveiro homenaxeará a Rosalía de Castro o día 22 de febreiro, sábado, no Teatro Pastor Díaz. O evento comezará ás 20:30 horas e terá entrada de balde ata completar aforo. Tratarase dun espectáculo multidisciplinar que combinará música, proxeccións e recitacións de poesía da autora. Correrá a cargo de Rafa Fernández (guitarra e composicións), Lara Dopazo (voz) e Iván Torrres (visuais).
“Dende Viveiro sempre celebramos á musa das letras galegas, para nós é referente tanto a nivel cultural como a nivel de muller que mudou as cousas dende un prisma feminista”, afirma a concelleira de Cultura, Lara Fernández Fernández-Noriega. Engadiu que “toda a xente que queira fotografarse con Rosalía ese día e subilo ás redes ten dispoñible o mural que temos na Biblioteca Pública Municipal, e así pode aproveitar o día para coller tamén un libro e manter vivo o legado da escritora. É un día moi importante para nós, polo que agardamos que todo o mundo se achegue ao teatro para celebrar a Rosalía”.