O IES de Foz celebrará os campionatos de baristas e de cata de cafés desde o día 19 ata o 21 de febreiro.
O mércores 19 de febreiro ás 16:00 horas disputaranse o XVII Campionato Internacional de Baristas de Escolas de Hostalería e o XII Campionato Internacional de Cata de Cafés de Escolas de Hostalería. Ás 20:15 horas será a entrega de trofeos e diplomas do campionato de Cata de Escolas e ás 20:40 horas haberá un cóctel de benvida.
O xoves 20 ás 09:00 horas continuará o Campionato Internacional de Baristas de Escolas de Hostalería. Ás 12:45 horas desenvolverase a actividade Formación Carajillo 43, a cargo de D. Alfredo García-Moreno, Brand Ambassador Licor 43. Ás 13:15 horas entregarase o premio Espíritu Barista e ás 13:30 horas daranse os trofeos e diplomas do Campionato de Baristas de Escolas.
E o venres 21 á 09:00 horas celebrarase o XI Campionato Internacional de Baristas Profesionais, do que se entregarán os trofeos e diplomas ás 14:00 horas.
A furgoneta KahvehVAN, que estará aparcada diante do salón de actos, ofrecerá degustacións de Cola Cao o mércores de 17:00 a 18:00 horas e o xoves e o venres de 10:00 a 12:00 horas. Ademais durante os campionatos na KahvehVAN haberá degustación de cafés a cargo de baristas profesionais.