Muras
O Concello de Muras colabora na organización do Trail das Bestas, que se celebrará o día 11 de xullo en A Veiga.
Ademais o día 10 de xullo terá lugar a Nocturna Starlight Serra do Xistral.
O trail curto e andaina terá unha lonxitude de 14 quilómetros, o trail de 27 e o maratón de 43 k.
As persoas interesadas poden obter máis información en www.traildasbestas.com.
Colaboran na organización deste evento: Deputación de Lugo e Marmar Outdoor.
O Concello de Muras organiza, coa colaboración da Asociación Obradoiros Artesáns da Terra Cha, a quinta edición da Romaxe Artesá da Chaira, que se celebrará o 22 de maio.
O evento terá lugar na fraga de A Veiga, á beira do río Eume ao seu paso pola vila de Muras, nunha contorna de vexetación autóctona en pleno corazón do Xistral. A organización anuncia que será un pouco diferente aos anos anteriores desenvolvéndose segundo as indicacións sanitarias que cómpren.
Este encontro cultural de artesanía, música e gastronomía inclúe mostra de artesanía, demostracións en vivo, obradoiros para adultos e nen@s, charlas sobre emprendemento sostible no rural e actuacións de música, maxia e gastronomía.
O evento conta coa colaboración da Deputación de Lugo.
O Concello de Muras organiza un curso básico de informática para maiores de 55 anos empadroados no municipio.
Impartirase dous días á semana pola mañá e unha vez formados os grupos decidirase a hora e o lugar. É para grupos reducidos, de 2 persoas, cumprindo todas as medidas de seguridade.
Os participantes recibirán formación en trámites informáticos básicos, como a petición de citas previas ou funcionamento da sede electrónica do Concello.
Os interesados poden inscribirse a través do teléfono do Concello (982.50.00.01) ou do correo electrónico cristina.martinez@muras.gal.
No concurso de disfraces de Entroido organizado polo Concello de Muras poderán participar veciñas e veciños empadroados no municipio en todas as categorías descritas nas bases. Para participar na categoría grupal ou de unidade de convivencia polo menos unha das persoas participantes ten que estar empadroada no Concello de Muras.
Hai unha categoría especial, denominada Muras Starlight, que é aberta, de tal xeito que poden participar tanto empadroados no concello de Muras como a xente de fora do municipio.
Só se admitirá un disfrace por persoa na categoría individual, pero si é posible que unha mesma persoa participe na categoría individual e na grupal ou de unidade de convivencia.
Para participar será necesario inscribirse e mandar a súa proposta mediante unha ou dúas fotografías do...
leer más
O Concello de Muras convoca a primeira edición do concurso fotográfico Neve en Muras.
Os concursantes subirán as fotos nevadas de paisaxes, patrimonio, contorna de Muras a facebook, co hastag #neveMuras. Terán de prazo ata o 17 de xaneiro. Non poden ser fotos retocadas nin nas que se teñan usado filtros. Tamén deberá especificarse a localización da imaxe tomada. Cada participante pode presentar un máximo de 2 fotos.
Os/as gañadores/as serán escollidos por votación popular mediante a suma de “gústame” nas imaxes que colgaremos no muro máis voto do fotógrafo Marcos López Alonso máis voto dun fotógrafo de Xaora Fotógrafos.
As fotografías gañadoras quedarán para uso do Concello de Muras, pero respectarase a integridade e autoría da obra.
Haberá tres premios, de 100...
leer más
O Deputado de Participación Cidadá, Roberto García Pernas, xunto ao Alcalde de Muras, Manuel Requeijo Arnejo, e o tenente de alcalde, Mario Rouco, presentaron este luns,na praza do Viveiró, a V Feira do Mel de Montañas de Muras.Este encontro gastronómico que terá lugar esta fin de semana no concello de Muras contará con postos de venta de mel,concursos de calidade, música, degustacións gratuítas, obradoiros para menores, artesanía e ata cunha excursión micolóxica. Tamén contará cunha xornada técnica e formativa dirixida a mellorar a profesionalización na apicultura e o control sanitario das explotacións apícolas. A Deputación colabora con este evento cunha achega de 4.000 euros para contribuír a poñer en valor os produtos autóctonos e tamén a desestacionalizar o turismo.
O Deputado de Participación Cidadá salientou que “colaborando con...
leer más
O Voceiro do Goberno, Álvaro Santos Ramos, o Deputado de Turismo, Eduardo Vidal Baamonde presentaron este martes a IV Feira do Mel de Montaña de Muras, que terá lugar os días 17 e 18 de novembro na praza de Viveiró, e coa que o Goberno da Deputación colabora cunha achega de 3.000 euros. Ao acto participaron o Alcalde de Muras, Manuel Requeijo, e o Tenente de Alcalde, Mario Rouco.
Santos Ramos destacou que “o Goberno da Deputación colabora activamente con estes eventos gastronómicos para promover e poñer en valor os produtos da provincia, ao tempo que contribuímos a dinamizar a economía local, xa que se conta cunha afluencia de máis de 3.000 persoas, o que da boa mostra da importancia desta cita para o Concello”.
Vidal Baamonde apuntou que “a través desta cita, ademais de impulsar un dos produtos máis...
leer más
O Deputado de Deportes, Pablo Rivera Capón, xunto ao Alcalde de Muras, Manuel Requeijo, e o Tenente de Alcalde, Mario Rouco, presentou este mércores no Concello de Muraso II Trail das Bestas, que terá lugar o vindeiro 4 de novembro.O Goberno da Deputación é o principal patrocinador desta cita deportiva cunha achega de 5.000 euros para a organización desta proba, promovendo así o deporte lucense e dando a coñecer diferentes zonas da Provincia.
Rivera Capón remarcou que “esta proba é unha oportunidade excepcional para dar a coñecer lugares únicos como a Serra do Xistral. O percorrido será circular con saída e meta na área recreativa A Veiga, e discorrerá por zonas de especial interese medioambiental preto da Serra e o Río Eume.Trátase dun entorno natural único que se pon en valor a través de probas que gozan de grande interese para os...
leer más
O Deputado de Turismo, Eduardo Vidal Baamonde, xunto ao Alcalde de Muras, Manuel Requeijo; e ao Tenente Alcalde, Mario Rouco, presentaron este venres, na praza do Viveiró, a III Feira do Mel da montaña de Muras. Trátase da cita gastronómica que terá lugar os días 18 e 19 de novembro no municipio de Muras. O Goberno da Deputación colabora coa Feira cunha achega económica de 3.000 euros. Esta colaboración está enmarcada dentro do Plan Estratéxico de Turismo para poñer en valor os produtos autóctonos e contribuír así a desestacionalizar o turismo.
Vidal Baamonde destacou que “dende o Executivo Provincial colaboramos con esta terceira edición da Feira do Mel, co obxectivo de potenciar e dar a coñecer este produto exquisito e de primeira calidade da nosa provincia, que se elabora no corazón da Serra do Xistral, ao tempo que dinamizamos a...
leer más
O Deputado de Deportes, Pablo Rivera Capón, xunto ao Alcalde de Muras, Manuel Requeijo, e o Tenente de Alcalde, Mario Rouco presentou no Concello de Muraso I Trail das Bestas, que terá lugar o vindeiro 5 de novembro.O Goberno da Deputación é o principal patrocinador desta cita deportiva cunha achega de 5.000 euros para a organización desta proba, promovendo así o deporte lucense e dando a coñecer diferentes zonas da Provincia.
Rivera Capón remarcou que “a 1º Edición desta proba é unha oportunidade excepcional para dar a coñecer lugares únicos como a Serra do Xistral. O percorrido será circular con saída e meta na área recreativa A Veiga, e discorrerá por zonas de especial interese medioambiental preto da Serra e o Río Eume.Non en vano, compráceme anunciar que xa hai preto de 100 participantes inscritos de toda Galicia”.
... leer más