Ribadeo

O vindeiro sábado, día 11, haberá diversas actividades culturais en Ribadeo: contacontos para @s máis pequen@s, concerto de rock e queima do Entroido. O concelleiro de Cultura, Farruco Graña, subliña que “a queima foi aprazada debido ao aviso de fortes ventos na zona para a noite do pasado sábado”.

O edil nacionalista contou que “unha das mellores narradoras galegas, Raquel Queizás, estará cos seus Nanocontos este sábado ás 17.30 horas na biblioteca El Viejo Pancho. Trátase dun espectáculo que estimula as habilidades de percepción espacial e psicomotricidade dos bebés a través de pequenas historias adaptadas para captar o seu interese e cunha duración apropiada á súa capacidade de atención”.

Farruco Graña dixo que “é unha actividade que se inscribe no programa Apego no que están inscritas polo de agora en Ribadeo...

Acisa repartirá 550 euros en premios no VII Concurso Fotográfico Día do Pai, que terá lugar do 3 ao 19 de marzo. Poderase participar en dúas modalidades: redes sociais e vía postal. 

Segundo recollen as bases, que se atopan en facebook e nas oficinas de Acisa, “a participación na modalidade postal, co envío da fotografía impresa, impide automaticamente a participación na modalidade en redes. Os traballos presentados non puideron ser publicados previamente en revistas, xornais, libros ou nas redes e tampouco puideron ser obxecto de ningún outro premio fotográfico. As fotos elixidas deben ter unha resolución de 2 mpx para a súa posterior impresión e exposición”.

Na modalidade de redes sociais as imaxes deben subirse á páxina do facebook de Acisa mediante a app que estará operativa desde mañá, venres. O prazo máximo...

A IV Media Maratón Ribadeo-As Catedrais terá lugar o 16 de setembro ás 17:30 horas. Serán os corredores os que decidan a través dunha enquisa en facebook o sentido da carreira, Ribadeo-As Catedrais ou As Catedrais-Ribadeo, segundo deron a coñecer este mediodía no Concello o edil de Deportes, David Rivas, o alcalde, Fernando Suárez, e o técnico municipal de Deportes, Iván López. 

O concelleiro de Deportes explicou que “o 16 de setembro ás cinco e media da tarde sairá a cuarta edición da media maratón Ribadeo-As Catedrais, unha proba que vai medrando ano tras ano en participación e que está converténdose nunha cita fixa para moitas persoas afeccionadas ao deporte do atletismo”.

David Rivas subliñou que “este ano, para seguir medrando organizativamente e despois de escoitar moitas opinións de sectores da poboación...

Acisa inicia unha campaña de captación de socios na que implica a todos os asociados e asociadas. Desde a directiva sinalan que “co fin de que a asociación medre, desde Acisa consideramos a importancia que os actuais socios teñen para poder captar a novos asociados, de aí que ideásemos unha campaña na que eles son o principal eixe”.

A campaña consiste en implicar de forma directa aos 150 asociados actuais para que novos establecementos se poidan unir a Acisa Ribadeo. Cada asociado actual que axude á asociación a facer novos socios recibirá por cada nova alta o importe de dúas cotas en vales de Acisa para gastar nos establecementos que forman parte deste colectivo. 

Acisa considera que “a parte da labor realizada pola xunta directiva e a xerencia é moi importante aproveitar o potencial do trato persoal que os nosos...