Este domingo, día 22 de decembro, celebrarase a décima edición da carreira Run Foz Run Nadal.
A organización deste evento deportivo anuncia: “chega o Nadal e con el a IX Run Foz Run Nadal 2024, a 11ª carreira do circuíto de carreiras Duacode RFR24 e a derradeira que coroará aos gañadores/as desta edición. Unha edición que chega con numerosas novidades e un programa repleto de diversión, deporte e familia. O evento presentouse oficialmente este martes, 17 de decembro, acto ao que acudiron membros do equipo municipal, representantes da directiva do Atletismo Ría de Foz e o presidente da ACIA e CCA de Foz. Destacaron a alta participación (preto dos 350 inscritos) e ambiente que se espera e un programa para todas as idades con actuacións máxicas, andaina popular, feira do corredor, talleres e xogos de mesa, carreiras populares para todas as idades e, como colofón final, unha gala cargada de trofeos, premios, sorteos e agasallos, con catering final para os asistentes”.