O vindeiro sábado, 2 de xaneiro, ás 20 horas a Casa da Cultura de Foz acolle a representación da obra O caldeiro máxico, a cargo do polo grupo teatral O Centiño, de San Martiño. Trátase dunha función benéfica coa fin de recadar alimentos para o Banco de Alimentos de Foz, organizada conxuntamente polo grupo teatral e polo Concello focense. A entrada será gratuíta, pero os asistentes poderán levar calquera tipo alimento para contribuír ás doazóns para a xente que o necesite.
A peza teatral de O Centiño reúne no escenario bruxas, taberneiros, borrachos, enterradores, normandos e peregrinos, arredor dun caldeiro prodixioso capaz de mudar o destino e encamiñalo á felicidade.