A primeira edición da Andaina Monte Comado, no concello de Barreiros, será este domingo, 16 de xuño, desde as 10 da mañá. A saída e a chegada será na explanada enfronte da igrexa de San Miguel de Reinante, ao lado da pista de pádel.
Para máis información e inscricións as persoas interesadas poden facelo a través das webs www.mediokmverticalmontecomado.jimdofree.com e https://ccnorte.com/.
A organización explica que “o percorrido sairá da igrexa de San Miguel cara á capela do San Estevo da Pagá, continuará polos camiños ata o embalse e seguirá ó son do rego cara a Comado, cruzarase a estrada de Remourelle e seguirase por camiños forestais ata Penalonga. De alí baixaremos a Comado e descenderemos, por camiños ata a estrada do monte, por onde continuaremos ata a Barranca e logo ó punto de partida. A distancia a percorrer está en torno ós 11 quilómetros polo monte e pistas forestais, cuns 450 metros de desnivel positivo. Considerase un nivel de dificultade media”.
Esta andaina está organizada pola Asociación Cultural e Deportiva Praias de Comado coa colaboración do Concello de Barreiros e da agrupación local de Protección Civil.