Lourenzá
A Concellería de Cultura convoca a cuarta edición do Certame de Teatro Afeccionado Concello de Lourenzá, que se celebrará durante os meses de novembro e decembro.
Anunciouno hoxe o concelleiro de Cultura, Manuel Arango Ron, quen explica que “as bases do certame aparecen publicadas na páxina web do Concello e o prazo de inscrición remata o 30 de setembro. As representacións das obras seleccionadas desenvolveranse durante o mes de novembro e a entrega de premios terá lugar nunha gala especial a celebrar no mes de decembro. O premio á mellor representación terá unha dotación económica de 750 euros e cada grupo seleccionado recibirá 300 euros en concepto de gastos de desprazamento, material, montaxe, etcétera. Ademais haberá premios para as mellores interpretacións, mellor montaxe e un premio especial do público. Nesta edición está previsto...
leer más
O programa de actividades da III Festa Campesiña de Lourenzá, que se celebrará no Campo dos Bolos de Vilanova, comeza este sábado, día 18, ás oito e media da tarde coa actuación da Rondalla Trovadores de Ares. E o domingo 19 haberá feira de artesanía e alimentación, mostra de vehículos clásicos, exposición de razas autóctonas de Galicia, obradoiros, actuacións musicais, xantar, actividades infantís, queimada, premios para as mellores caracterizacións e tapas de porco celta.
O inicio das actividades do domingo está programado para as 11 da mañá. Para esa hora está prevista a apertura da feira con stands de artesanía e alimentación, da mostra de vehículos clásicos a cargo da asociación Vespa&Faba e da exposición de razas autóctonas de Galicia. Ademais comezarán os obradoiros de roca e cardado con la e de trenzas, pulseiras e tobilleiras...
leer más
O claustro do mosteiro de San Salvador, en Vilanova de Lourenzá, acollerá o 18 de xuño, sábado, a partir das 12 do mediodía a segunda xornada dedicada a Francisco Fernández del Riego, actividade que organiza a asociación Patrimonio Laurentino coa colaboración do Concello de Lourenzá. Na presentación participou a alcaldesa, Rocío López, con representantes do colectivo promotor desta iniciativa.
Na xornada intervirán o presidente da Real Academia Galega, Víctor Fernández Freixanes, que ofrecerá unha charla titulada Fernández del Riego, editor, e o reitor da Universidade de Santiago de Compostela, Antonio López Díaz, que falará sobre Fernández del Riego e a Universidade. Para esta actividade a asociación Patrimonio Laurentino conta coa colaboración de Xosé López González, coñecido como Pepe de Celeirao, que é un veciño de Lourenzá licenciado...
leer más
A alcaldesa de Lourenzá, Rocío López, e o concelleiro de Cultura, Manuel Arango, veñen de presentar o cartel anunciador da III Festa Campesiña, que se celebrará o domingo 19 de xuño no Campo dos Bolos.
Manuel Arango anuncia que “o programa, que se dará a coñecer nos próximos días, incluirá actuacións de música e baile tradicional, obradoiros, postos de artesanía e alimentación, sesión vermú e festa campestre, xantar e tasca, entre outras moitas cousas. En todas estas actividades colaboran distintas asociacións do concello”.
A rexedora municipal invita “aos veciños e veciñas e a todas as persoas que se acheguen ese día a Lourenzá a que o fagan caracterizados de campesiños e campesiñas para acadar que a festa teña a aparencia das festas que se celebraban en Galicia hai un século”.
Para...
leer más
O Concello de Lourenzá en colaboración co club VespaFaba&Clásicos Lourenzá organizan unha aventura sobre rodas que levará o nome do municipio laurentino ata terras de Noruega, concretamente a Nordkapp. “Dous aventureiros do club de clásicos de Lourenzá emprenderán unha apaixonante viaxe a bordo dun coche Dyane 6 e unha moto Vespa 200 dende a Terra da Faba. A saída dos protagonistas desta aventura está prevista para este sábado, 28 de maio, ás 12:00 horas no Cantón. O venres a partir das 8:00 horas inaugúranse os actos da saída cun espectáculo dun globo aerostático cautivo (estático) no Campo dos Bolos, cortesía de Íkaro Globos (Asturias) que dará publicidade ao evento e que poderá verse ao lonxe, dende os concellos limítrofes”, anuncia a alcaldesa, Rocío López.
A rexedora municipal destaca que “esta acción de promoción turística levará a Lourenzá...
O Concello de Lourenzá convoca un concurso de poesía co gallo da celebración do Día das Letras Galegas 2022. Anunciouno o concelleiro de Cultura, Manuel Arango Ron.
Nas bases do certame explícase que “o tema da poesía será A Paz e establécense tres categorías: A) ata 9 anos; B) de 10 a 14 anos; e C) máis de 14 anos. As obras, escritas en galego, serán presentadas de forma anónima, cos datos persoais do concursante (nome e apelidos, idade, enderezo e teléfono de contacto) introducidos nun sobre, que levará na parte exterior a categoría á que pertence. Só se admitirá unha obra por participante. Establécese un premio para cada categoría, consistente en 50 euros e figura institucional”.
As obras presentaranse na Biblioteca Municipal de Lourenzá ata o venres 20 de maio. A Concellería de Cultura encargarase de nomear un...
leer más
O 7 de maio Terras de Lourenzá acudirá á XIII Concentración de Asociacións de Sendeirismo de Galicia e Asturias, que se celebrará na Pontenova.
Os asistentes poderán elixir entre dúas rutas, a que discorrerá polas Reigadas de 8,1 quilómetros; ou a da Seimeira, de 8,6 quilómetros.
Ao rematar haberá comida a base de bolos de liscos, bolos preñados, postre e bebida.
As persoas interesadas en acudir poden inscribirse antes dos oito da tarde do vindeiro 3 de maio nos teléfonos: 647 06 70 54 (Javi) ou 658 09 71 33 (Miguel).
O prezo para os socios será de 10 euros e para os non socios de 15 euros. Desde Terras de Lourenzá lembran que se respectarán as medidas covid. A máscara será obrigatoria no bus.
A saída será ás 8 da mañá desde o...
leer más
O Concello de Lourenzá organiza a Festa do Maio que se celebrará o día 1 do vindeiro mes, domingo. A programación do festexo inclúe o tradicional desfile polas rúas de Vilanova e dous concursos convocados pola Concellería de Cultura: un de decoración de vivendas e comercios e o outro de sombreiros.
No concurso de decoración participarán aquelas vivendas e comercios que decoren os seus balcóns, fiestras, portais e escaparates das rúas por onde tradicionalmente se fai o percorrido do desfile. Na decoración deben predominar os elementos naturais e facer referencia á conmemoración do Maio ou da primavera. Hai dous premios, que consistirán en trofeos deseñados e elaborados pola Fundación Eu Son.
No segundo certame poderán participar todas as persoas que asistan co seu sombreiro decorado ao desfile do 1 de maio. Pode...
leer más
A asociación cultural Osorio Gutiérrez, de Lourenzá, organiza unha conferencia sobre o traxe popular galego, que terá lugar o 24 de abril ás cinco da tarde no salón de actos do Concello. Será impartida por Ana Nogareda Mato. A entrada é de balde.
A charla conta coa colaboración do Concello de Lourenzá.
A asociación de sendeirismo Terras de Lourenzá organiza unha ruta á zona de Pantón o día 23 de abril. A saída será ás 7:00 horas do Cantón de Vilanova.
O percorrido discorrerá por Cibrisqueiros a San Cosmede, cunha distancia de oito quilómetros, e pola Fervenza Augacaída-Castro de Marce, dunha lonxitude de catro quilómetros. Ao rematar as rutas haberá unha comida nun restaurante da zona.
As inscricións pódense facer ata das 20:00 horas do 20 de abril nos teléfonos 647 06 70 54 e 619 82 87 84. Os prezos son de 35 euros para os socios e 40€ para os non socios.
Deberán respectarse as medias covid e no bus será obrigatoria a máscara.
O Concello de Lourenzá colabora na organización deste evento.