Apóstolo

 

A parroquia trabadense de Vilapena acollerá durante tres días, o 24, 25 e 26 de xullo, as festas na honra do Apóstolo Santiago. A cita comeza o venres 24 de xullo ás 21.30 cunha gran churrascada, servida polo catering Chao dos Navais, que continúa coa verbena do Grupo Fénix. 

Ao día seguinte, sábado, logo da misa solemne das 13.30 horas e da procesión, a orquestra Blue Star encargarase da sesión vermú. Pola noite, a verbena do día grande correrá a cargo da mesma agrupación. 

A festa remata o domingo 26 de xullo, coa misa solemne das 12 horas, procesión e sesión vermú da man do Dúo Merengue.