O Castro

O Concello de Trabada e a asociación Trabada paso a paso continúan co ciclo de roteiros "Coñece Trabada" cunha nova andaina programada para o domingo 13 de abril. Nesta ocasión, a ruta percorrerá o treito comprendido entre O Castro e a Ría de Abres, cunha distancia total de 8 quilómetros e unha dificultade baixa, apta para todos os públicos.

A saída terá lugar ás 10:00 horas dende a Praza do Concello de Trabada, e ao remate da camiñada, os participantes poderán desfrutar do TapEO de Trabada, ofrecido nos bares do municipio.

O alcalde de Trabada, Rubén García, destacou a importancia desta iniciativa para dar a coñecer o patrimonio natural da zona: “seguimos apostando por actividades que nos permitan gozar do noso entorno e poñer en valor os nosos camiños e paisaxes. Esta segunda ruta será unha nova oportunidade...