A concelleira de Turismo en Xove, Cecilia Duarte Fernández, anuncia: “esta fin de semana, o venres 14, sábado 15 e domingo 16 de marzo, recibiremos en Xove aos socios da AGA (Asociación Galega de Autocaravanas). O pobo estará cheo de autocaravanas, arredor dunhas 150-180, e visitarannos unhas 250 persoas. Irán chegando ao longo da semana, pero a maior afluencia espérase para o venres. Estacionarán os seus vehículos na zona de parking de autocaravanas, no parque novo Pumtrack, na recta de Xove, na subida ao colexio Pedro Caselles Rollán, enfronte do colexio, Campo de fútbol, Nave Almacén do Concello, parking Centro de Saúde e Cuartel da Garda Civil”.
Cecilia Duarte explica tamén que “o sábado realizarán distintas actividades, entre elas a ruta con audioguías da Zona Etnográfica da Baleeira, en Morás, a Ruta das Fadas ou Ruta dos Muiños, na Rigueira, e un obradoiro na Panadería Maral para os peques que os acompañan. O xantar no pavillón polideportivo, no que participarán todos os socios, rematará cun baile de disfraces amenizado por unha solista, Sandra Renglifo, de La Voz Sentimental. Na Praza do Concello dende as 16:00 ata as 20:00 horas estarán os postos do Mercado de Artesanía Local de O Faio de Generosa, no cal participarán Vacaloura e Xurela, Glarual Ecoshop, Lebre de abril, Mel do Sierra, Cura da Alma e Esteiro Surfing”.
E o domingo 16 ás 13:00 horas celebrarase a inauguración da área de autocaravanas do centro de Xove e tamén da praia de Esteiro, cun acto no que participará o alcalde, Demetrio Salgueiro, e a concelleira de Turismo. Ese mesmo día terá lugar a Asamblea Xeral da AGA no Salón de Actos do Concello de Xove.