Os Sendeiros de Foz continuarán así a realizar o Camiño dos Faros coa ruta prevista para o 9 de marzo. Segundo explican haberá unha ruta curta de 4 quilómetros e fácil de facer e 12 quilómetros de dificultade media. O xantar será en Corme.
A saída será ás 7 da mañá desde Foz e ás 7:15 horas desde Ferreira. O prezo para os socios federados é de 50 euros, para os non federados de 55 euros e para os socios temporais 60 euros. O xantar está incluído.
O último día para anotarse é o 4 de marzo. Os organizadores recomendan levar equipo de sendeirismo.