![](https://www.faroocionorte.com/sites/default/files/styles/juicebox_medium/public/fotos-noticias/2024/current-datecustomm/cartelbarreiroscampamentodixital.png?itok=6f7WTH50)
O Concello de Barreiros ofrece un Campamento Dixital, do 22 de xullo ao 9 de agosto na aula CeMIT, para a mocidade de 13 a 17 anos. É gratuíto de 30 horas en competencias dixitais, con contidos adaptados a cada idade e formadores especializados. Levarase a cabo en horario de 11:00 a 13:00 horas. As persoas interesadas en participar poderán inscribirse na propia aula CeMIT os martes e xoves de 9:30 a 14:30 horas ou os resto de días na Casa do Concello no mesmo horario ata o 8 de xullo.
Campamento Dixital é unha iniciativa impulsada por Fundación Cibervoluntarios, dentro do Programa de Competencias Dixitais para a Infancia, CODI, posto en marcha polo Ministerio de Mocidade e Infancia, financiado pola Unión Europea- Next Generation EU.
Aprenderán a buscar información valiosa na internet, hábitos saudables, pensamento crítico para identificar noticias falsas, profesións emerxentes, así como competencias dixitais para a procura de emprego, entre outros. No Campamento Dixital deberán ir completando etapas e misións para acadar logros. E así, en cada aventura irán adquirindo novas competencias dixitais para utilizar Internet e as ferramentas dixitais de forma útil, creativa, segura e responsable. Ao finalizar, as e os participantes recibirán un certificado DigComp que lles acredita os coñecementos e competencias adquiridos na utilización das Tecnoloxías da Información e as comunicacións dentro do marco europeo.