A novidade deste ano é o cambio de ubicación, que pasa a ser na Sala Multiusos do Concello, na Praza Maior. Un emprazamento céntrico e accesible. Serán un total de 8 expositores dedicados á venda de moda de muller, nenos, xuvenil, complementos, calzado, xoiería e bixutería. Os comercios participantes na feira son: Versus, Complementos Sulian, Cocolatte, Oscar Joyeros, F&M, Cobelinha, Van Surf e Van Surf Sneakers..
Unha ampla variedade de artigos que serán postos á venda a uns prezos moi reducidos, onde os clientes poderán mercar verdadeiras gangas, unha oportunidade estupenda de mercar artigos de primeira calidade a uns prezos inmellorables.
O xoves 8 ás 18:00 horas terá lugar a inauguración da Feira que estará aberta ata as 21:30 horas. O horario do venres 9 e sábado 10 será de 11 a 14 horas e de 18 a 21:30 horas.
Desde o CCH de Viveiro sinalan que “o éxito das pasadas edicións, lévanos a organizar un ano mais esta Feira, que conta ca colaboración da Xunta de Galicia, da Deputación de Lugo e do Concello de Viveiro”.
Apertura comercial o 15 de agosto
Este ano, o comercio de Viveiro abrirá as súas portas o festivo, o xoves día 15, en horario de mañá, así se decidiu pola maioría dos negocios. A apertura será de 11 a 14 horas, que é o horario dos festivos. Nestas datas de moita afluencia de xente á vila e dous días festivos consecutivos, o comercio abrirá para poder dar servizo comercial tanto á xente da vila como ós visitantes que se achegan estes días a Viveiro.