Desde Galegas 8M “queremos facer un chamamento-convite para que todas as mulleres da vila, desde as súas fiestras e balcóns fagan unha reivindicación, esixan un auto-recoñecemento...
- un intento de compensar ás devanceiras, ás que nos precederon.
- unha expresión de gratitude para as que están, para as que estamos, traballando arreo para que este mundo sexa máis xusto, máis igualitario e máis respetuoso cos dereitos humanos
- un vento de esperanza para as que veñen, para que a desigualdade non teña posibilidades de frealas nin atrapalas”.
As organizadoras sinalan que “a vida, non se pode soster sen os coidados, sen as responsabilidades do fogar, sen as atencións invisibles das que as mulleres cargamos ao calado. As mulleres ocupámonos da humanidade, coidamos de todo e de todos. O día 8 queremos que se atendan as nosas demandas, as demandas das mulleres...as das que asumimos en solitario unha responsabilidade que debería ser compartida: o doméstico, os coidados, o fogar... Somos nós as que alimentamos, nutrimos, acompañamos, curamos, consolamos, limpamos...creamos benestar”.
Os mandís pendurarán toda a semana desde o luns, 1 de marzo, das nosas e das vosas fiestras “podedes achegar lemas/demandas escritos no mandil, noutro elemento. Enviade unha foto co voso mandil colgado,por WhatsApp 617585449 podedes engadir lemas, creatividade e arte”.