A Comisión de Festas do San Roque de Viveiro organiza unha cea baile de Nadal que se celebrará o día 21 de decembro, sábado. Será ás 22:00 horas no Hotel Resort Las Sirenas Thalasso Cantábrico. Actuará DJ Eventec ata as 03:00 horas e haberá barra libre e sorteos.
Os organizadores explican que “o Nadal é o momento perfecto para xuntarse cos teus, rir das anécdotas do ano, e lembrar todos os bos momentos que pasamos en familia e con amigos (e para sobrevivir ás historias do cuñado, claro). Por iso, a nosa Cea de Nadal é a mellor maneira de chegar con forza á Noiteboa! Este 21 de decembro anímate a vir ao Hotel Resort Las Sirenas Thalasso Cantábrico para gozar dunha noite máxica e moi especial! Anótate enviando un correo a comisionviveiroenfestas@gmail.com ou pásate polo Doce Bar (Praza da Fontenova) para reservar a túa entrada (pago en efectivo). Lembra que as prazas son limitadas!”.