A actividade de Surf das Escolas Deportivas Municipais de Barreiros abre o prazo de inscrición o vindeiro luns, 3 de marzo. Están dirixidas á rapazada de 8 a 16 anos e darán comezo o mércores 2 de abril na praia de Coto. Desenvolveranse ata o xoves 26 de xuño mércores e/ou xoves de 17:00 a 18:30 horas, con monitores titulados.
A folla de inscrición é a mesma que a empregada en setembro e está dispoñible na web municipal (www.concellodebarreiros.gal) ou nas oficinas do Concello. A inscrición deberá entregarse acompañada do xustificante do pago da matrícula, que ten un prezo de 15 euros.