A asociación Chao de Castro Altair de Burela organiza un ano máis un campamento de primavera os días 8, 9 e 10 de abril. Terá lugar no centro social de Xerdiz en Ourol e está dirixido a nen@s de 7 a 14 anos.
O programa que se desenvolverá vai desde lecer ao aire libre, música, cociña, sendeirismo, xogos e actividades sobre animais e natureza. O prezo é 38 euros para socias/os e 56€ para non socias/os. Inclúe o transporte ao campamento, comidas, tendas de campaña, material de actividades, seguro e cota do mes de abril para as persoas que non sexan socias e queiran seguir participando nas actividades semanais en Burela, os domingos entre as 17:00 e as 20:00 horas.
O prazo para anotarse remata o venres 7 de abril, e as inscrición pode facerse no sitio web da asociación https://chaodecastro.wordpress.com/inscribite-aquí/. As familias interesadas en recibir máis información sobre a asociación poden facelo no 685 325 153, a través do facebook ou no mail chaodecastro.altair.burela@gmail.com.