![](https://www.faroocionorte.com/sites/default/files/styles/juicebox_medium/public/fotos-noticias/2024/current-datecustomm/sendeiros_2.jpg?itok=vPAM0O4W)
O vindeiro 13 de xullo terá lugar o primeiro Andareiro de Verán coa ruta “Paseo das Praias”, que percorrerá Foz e Fazouro. A saída está programada para as 9:00 horas diante do Concello focense.
Este evento está aberto a todos os interesados, sendo gratuíto para os federados e cun prezo de 5 euros para os non federados. Para participar é imprescindible anotarse ata o venres 12 de xullo. Pódese obter máis información e realizar a inscrición nos teléfonos 670369017 e 606718482, ou mediante o correo electrónico ossendeiros@yahoo.es.
Recoméndase aos participantes levar equipo de sendeirismo adecuado. A ruta ten unha dificultade baixa, facéndoa accesible para un amplo público.
Desde Os Sendeiros animan a participar: “non perdas a oportunidade de gozar dunha xornada ao aire libre descubrindo as marabillosas paisaxes costeiras de Foz e Fazouro”.