A asociación cultural O Picato, de Trabada, organiza unha excursión ao Aquapark da localidade coruñesa de Cerceda para o día 24 de agosto, sábado.
A saída está programada para as oito da mañá desde a Praza do Concello de Trabada e a chegada de volta está prevista para as nove da noite.
Os menores de 18 anos deberán ir acompañados dun adulto. O prezo é de 20 euros para os socios e de 25 euros para as persoas que non pertencen ao colectivo organizador.
Para participar hai que anotarse previamente e o prazo remata o día 12 de agosto.