Na cidade do Landro xa se pode visitar o belén ‘Viveiro ante o berce’, no atrio da igrexa de Santa María. Este belén está considerado como un dos máis importantes de Galicia, tanto pola súa beleza e pola dimensión das pezas que o compoñen, como pola extensión do conxunto do propio belén e por estar instalado nun enclave histórico-monumental único.
O acto de inauguración tivo lugar na xornada de onte, 5 de decembro, ao igual que o acendido da iluminación de Nadal.