A Asociación Cultural e Deportiva As Minas, da Pontenova, celebra a décimo sétima edición do seu festival día 14 de decembro, sábado.
“Coa actuación destacada de Xosé Antonio Touriñán, haberá tamén sendeirismo, música, gastronomía... Unha proposta irresistible”, anuncia a organización.
O programa inclúe estas actividades: ás 12 horas, Ruta das Minas (guiada e gratuíta), inscrición en asociacionasminas@gmail.com; ás 14 horas, sesión vermú; ás 17:00 horas, interacción infantil con Os Bolechas; ás 17:40 horas, contacontos inclusivo con DI y lo Amorodos; ás 18:00 horas, interacción infantil con Os Bolechas; ás 19:00 horas, Grupo Tambukda, de Lugo, polas rúas e bares do pobo; ás 20:00 horas, degustación gratuíta de callos na carpa da asociación, amenizada por Grupo Tambukda e DJ inclusivo Moncho; ás 22.30 horas, Xosé Antonio Touriñan co show Aquí Tou; e ás 23:59 horas, actuación musical de Gin Toni's.
Os organizadores destacan que é un festival inclusivo con intérpretes de lingua de signos e mochilas vibratorias.