Mondoñedo celebra a Festa da Árbore desde o ano 1569 e a edición deste 2025 terá lugar na Praza do Concello este sábado, día 29 de marzo.
As actividades comezarán ás 12:00 horas con xogos populares e tradicionais. Ás 13:15 horas haberá plantación de árbores e recital de poemas con acompañamento musical. E ás 13:30 horas entregaranse os premios do XIII Concurso da Árbore e os debuxos participantes no certame exporanse durante a festa.
Este evento está organizado pola asociación cultural O Pasatempo coa colaboración do Concello de Mondoñedo.