Diego Riera

Este domingo, día 27 de abril, ás 17:30 horas a Biblioteca Municipal El Viejo Pancho, de Ribadeo, celebrará o Día Internacional do Libro cunha actividade “moi especial”: contacontos e presentación da publicación titulada Los alquequenjes mágicos, de Diego Riera. Trátase dunha sesión interxeracional a cargo do autor “para que avós e netos compartan momentos de calidade, rían, soñen e disfruten xuntos”, anuncia o Concello de Ribadeo.

Sortearanse catro exemplares do libro que se presenta entre os nenos e nenas que asistan acompañados dos seus avós, ou outra persoa adulta. Non é necesaria inscrición previa.