A oitava edición da carreira popular de Foz denominada Run Foz Run celebrarase o día 14 de agosto, domingo, a partir das 10 da mañá con saída desde o colexio Martínez Otero. Os interesados en participar deben inscribirse na web championchipnorte.como ou no Centro Óptico Eliseo ata o 10 de agosto.
A recollida de dorsais poderá facerse o sábado 13 de 17 a 20 horas ou o día da carreira ata as 10 da mañá no patio do colexio Martínez Otero.
Os menores de 8 anos de idade correrán un distancia de 150 metros. Os benxamíns, de 8 e 9 anos, farán un percorrido de 800 metros. O alevíns, de 10 e 11 anos, 1.000 metros. Os infantís, de 12 e 13 anos, e os cadetes, de 14 e 15 anos, correrán 1.500 metros. E para a categoría absoluta, a partir de 16 anos, a distancia será de 7.200 metros.