Pakolas presenta Rockeando con Ramona Órbita, a dona do tempo na Casa da Cultura de Burela o sábado 9 de outubro ás 18:00 horas.
Pakolas, rockeiro e guitarreiro, é o nome co que Paco Cerdeira se presenta ante o público infantil, eido no que o músico conta con longa traxectoria. Neste concerto Pakolas guiará aos espectadores coa súa forza interpretativa e o seu humor por todo un universo musical, a través da súa voz e a guitarra, nun espectáculo individual creado polo propio autor, onde a interacción e participación coas nenas e nenos, a animación, as súas caracterizacións e a súa música son os principais atractivos para o público.
É un espectáculo para compartir cos máis peques e coa familia. E Pakolas incluirá nesta montaxe algún dos seus éxitos anteriores, dos mais aclamados polo público.