O colectivo Pensamento e Sementeira, de Viveiro, organiza aulas de baile “foliadeiro” a cargo do profesor Miguel Abad, que comezarán este mércores, día 9 de outubro.
“Contaremos con dous grupos: mércores ás 19.30 horas, Iniciación (para que non sabe nada); e mércores 20.30 horas (para quen xa sabe algo). O custo das aulas será de 15 euros ao mes para persoas socias e de 20 euros ao mes para non socias, pero, por suposto, se queres desfrutar do desconto para socias, aínda estás a tempo de inscribirte no seguinte link: https://forms.gle/EaHdNp8hELcc3feq7”, explica Pensamento e Sementeira, que engade: “o lugar das aulas será o Colexio Vello de Galdo. Se queres inscribirte envíanos un correo electrónico a colectivosementeira@gmail.com co teu nome, teléfono de contacto e grupo. As prazas asignaranse por orde de inscrición e recibiredes un correo de confirmación da vosa praza”.