![](https://www.faroocionorte.com/sites/default/files/styles/juicebox_medium/public/fotos-noticias/2020/current-datecustomm/blancog.jpg?itok=RMy87B8U)
Haberá un segundo pase do espectáculo que Carlos Blanco ofrecerá o día 1 de febreiro no Auditorio Municipal Hernán Naval. Titúlase Os Mellores Monólogos. Esgotáronse as entradas para o primeiro pase e as entradas, para o que terá lugar ás 22:00 horas están á venda en ataquilla.com e se sobrasen venderíanse o mesmo día do espectáculo desde as 21:00 horas na billeteira.
Este venres, 24 de xaneiro, terá lugar a presentación do documental sobre urbanismo e maltrato da paisaxe, Estruturas. Pel contra Pel. Será ás 20:30 horas no Teatro de Ribadeo.
O prezo da entrada é de 3 euros. Haberá un coloquio posterior á proxección do documental, dirixido e realizado por Paco Gallego e Xosé Bocixa.
E o domingo, 26 de xaneiro, seguirá o ciclo Músicas Comunais nas Parroquias coa actuación das pandereteiras da asociación Amigos da Gaita. Será ás 17:30 horas na Escola de Remourelle.