O venres 16 de setembro comezará en Landrove-Viveiro a II Festa Labrega e as I Olimpíadas Rurais. Ás 21:00 horas procederase ao acendido da chama olímpica e terá lugar o desfile dos equipos participantes, ademais actuará o grupo folclórico Nova Semente de Celeiro.
O sábado 17 ás 9:00 comezarán as I Olimpíadas Rurais, ás 14:00 horas haberá sesión vermú co Trío CQC e ás 16:00 horas continuarán as Olimpíadas. A xornada concluirá coa Festa Labrega que principiará ás 21:00 horas, con cea labrega que inclúe cun cunca labrega, pan, caldo e cocido labrego. A venta anticipada dos tíckets ao prezo de 5 euros para os socios e 8 euros para os non socios, no número de teléfono 677 282 979. A festa estará amenizada polo Trío CQC e o Dúo D´Cine e haberá premios para os tres labregos máis orixinais.
O domingo 18 ás 11:00 horas terá lugar a proba final das Olimpíadas, ás 14:00 horas haberá sesión vermú co Dúo D´Cine e ás 15:00 horas serviranse racións de empanada con vaso de viño ou cervexa por 2 euros. Ás 18:00 horas celebrarase a entrega de premios con 100 euros e trofeo para o primeiro, 70 euros e trofeo para o segundo e 30 euros e trofeo para o terceiro. A inscrición nas Olimpíadas pode facerse no número de teléfono 677 282 979 e o prezo é de 60 euros.
Organiza: ACD Pequenos Pasos de Landrove. Colaboran: Concello de Viveiro e comunidade de montes Fraga Moura de Landrove.