Foz
A escritora e xornalista Natalia Alonso Ramos (Foz,1983) presentará o vindeiro venres 26 de xaneiro, ás 20.30 horas, na Libraría Bahía de Foz o seu segundo libro ‘Advertencias para un traxecto boreal’ co que obtivo o premio de poesía Filomena Dato en 2022 e que acaba de publicar baixo o selo editorial ‘Apiario’. A autora estará acompañada pola editora e escritora Dores Tembrás.
Natalia Alonso Ramos resultou gañadora da terceira edición deste certame que outorga o Concello de Bergondo co poemario ‘Advertencias para un traxecto boreal’. O xurado valorou do texto “o traballo coa linguaxe, a pericia no uso dos adxectivos, a promesa desde o primeiro poema e a ofrenda de imaxes de grande potencia poética e cheas de contido, a tenrura e a perspicacia”. O xurado estivo composto por Alejandra Pérez Máquez, presidenta; e Elvira Ribeiro Tobío,...
leer más
As festas de San Blas en Vilaxoane (Foz) celebraranse do 2 ao 4 de febreiro nun recinto cuberto con carpa e calefacción.
Empezarán os festexos o venres 2 cunha verbena amenizada polo dúo Belinda e a orquestra Principal.
O sábado 3 é o Día do Patrón e haberá misa solemne ás 13:00 horas e despois procesión, bendición do tradicional Pan de San Blas e imposición do Santo todo o día. A sesión vermú estará amenizada polo grupo Fénix, que tamén actuará na verbena xunto á orquestra La Favorita.
E o domingo 4 celebrarase a Festa dos Callos San Blas 2024, organizada pola peña Fálame Sempre. A partir das 13:30 haberá sesión vermú co DJ Take Sound. A reserva anticipada de tickets para a festa dos callos farase ata o día 28 de xaneiro na Librería A Rapadoira.
A asociación O Noso Foz e o Concello de Foz presentaron as actividades para o Entroido 2024.
O programa comeza coa coroación da raíña, que será o vindeiro sábado día 27 na carpa situada na rúa Atalaia, na que a raíña saínte, Uxía Valmayor Forés entregará a coroa a Carlota Fernández del Riego. “Estamos cos últimos preparativos, relativos á colocación e decoracións definitivas”, explicou Fátima Novo, presidenta de O Noso Foz. “É moi importante para nos que se coiden os detalles e sobre todo que os asistentes desfruten moito e se atopen a gusto”, indicou Inés López, concelleira de Cultura.
Sendo o primeiro ano como Festa de Interese Turístico, Foz prepara con mimo todas as actividades “tentamos que todo saia da mellor maneira, os grupos están traballando moito en facer uns traxes incribles e a organización estase...
leer más
Este xoves, día 18 de xaneiro, ás 20:30 horas estará en Libraría Bahía, de Foz, o escritor Pedro Feijoo para falar da súa última novela titulada “Ninguén contará a verdade”, editada por Xerais.
Desde Libraría Bahía explican: “podemos afirmar que Pedro Feijoo é na actualidade o máis popular dos autores de novela negra en Galicia. Con esta a súa última novela gañou o ano que vén de rematar o premio Xerais de novela. A historia presenta unha trama de corrupción en Galicia na que están implicados todos os poderes: o mundo da empresa, a banca, a información, a política… Unha historia de ficción nuns contextos que podemos recoñecer facilmente e que desnuda as tramas do poder”.
O Concello de Foz organiza un curso de autodefensa para mulleres ante situacións violentas. Será os días 22 e 24 de xaneiro, luns e mércores, de 16 a 20 horas no ximnasio do Instituto de Educación Secundaria focego.
Este curso está supervisado por especialistas da Federación Galega de Loita e pertencentes ás forzas e corpos de seguridade do Estado.
Para anotarse as interesadas poden chamar ó Departamento de Servizos Sociais do Concello de Foz, que ten o número de teléfono 982.133.566.
A Sala Bahía, de Foz, acollerá este domingo, 14 de xaneiro, unha representación teatral para bebés -de 6 meses a 4 anos- en dous pases: ás 11:30 e ás 12:30 horas. Correrá a cargo da compañía Trémola Teatro, que ofrecerá o espectáculo titulado “Que animaliño é?”.
É unha obra para bebés que lles fará gozar, coñecer e recoñecer as cousas que ven ao seu redor. A través de diferentes elementos sensoriais (bolas de la, burbullas de xabón, confeti, instrumentos, sons, …) os máis pequenos da casa gozarán desta emocionante aventura.
Os prezos das entradas son: xeral, 3 euros; e infantil, 2 euros.
É unha actividade incluída na programación cultural do Concello de Foz.
A parroquia focega de Santa Cilla celebrará a oitava edición da súa Festa dos Callos este sábado, 13 de xaneiro, a partir das 21:00 horas no local social, con calefacción. Está organizada pola Asociación Santa Cecilia coa colaboración do Concello de Foz.
Haberá cea con empanada, callos, sobremesa, bebidas (viño, gasosa e auga), pan e café. O prezo por persoa é de 25 euros, pero para os nenos e nenas de ata 12 anos é gratis.
O baile estará amenizado por DJ Disco SLS.
As prazas son limitadas e poden facerse as reservas a través dos teléfonos 670.50.91.69 (Pepe), 622.41.04.90 (Pacucho) ou 661.70.24.06 (Ánxel Paleo)
Esta mañá foron sorteados os 15 desexos da campaña de Nadal de AciaFozCCA, que repartiu 1.500 euros en vales de compra.
O sorteo tivo lugar esta mañá en Radio Foz. Foi conducido por David Val e contou coa presenza da concelleira de Comercio, Kathy Navarro, e da xerente de AciaFozCCA, Ana Segade.
Os números agraciados con 100 euros en vales de compra cada un e os establcementos nos que foron distribuídos son os seguintes: 18455 Maasaude; 17813 Xoguetería Bahía; 15073 Xanela; 16005 Cenor; 1871 Estanco N2; 11923 Carnicería Mercedes; 27156 System; 5844 Dermoterapia; 7041 Unique-2; 2255 Decoraciones Pura; 13284 Librería Ofifoz; 10806 Xoguetería Bahía; 10398 Alain Afflelou Óptico; 249 Pastelería Anduriña; e 17948 Xoguetería Bahía.
Os premiados deberán chamar ao teléfono da asociación 982 132...
leer más
Os Reis Magos chegan a Foz cumprindo o convenio que asinaron no 2020 co alcalde, Fran Cajoto. “Sempre cumpren co acordado e o ano que vén tocará renovar este convenio para que continúen acudindo á cita”, explica o rexedor municipal. O percorrido sairá ás 18.30 horas do Paseo da Rapadoira, pasando pola praza Conde Fontao, a rúa Valle Inclán, a avenida da Mariña e Álvaro Cunqueiro ata chegar ao consistorio, momento no que as súas maxestades pasarán polo Belén vivinte, que se realiza coa colaboración do Colexio do Pilar, e saudarán dende o balcón do Concello. Os Reis desprazaranse ata a Sala Bahía, na que se realizará a tradicional recepción con chocolatada con churros e roscón.
A delegación de Cultura agradece a implicación de todos as veciñas e veciños que axudan, así coma os establecementos da vila Xoyma, Anduriña, Amarena e Churrería...
leer más
Aínda sen finalizar unha programación de Nadal chea de eventos en Foz (este venres chega a gran cabalgata dos Reis Magos e o domingo Os Bolechas), o Concello de Foz prepárase para un Entroido que celebrará o seu primeiro ano como festa de interese turístico. A comisión de festas O Noso Foz e o Concello de Foz preparan os próximos eventos do mes de xaneiro e febreiro. A primeira data do calendario é o 27 de xaneiro, no que se coroará a raíña elixida no mes de outubro, Carlota Fernández del Riego.
O Entroido de Foz virá con novidades: a primeira delas a nova situación da carpa para a celebración das actividades, que será colocada na rúa Atalaia (As Torres) grazas á colaboración de varios veciños de Foz. O alcalde, Fran Cajoto, agradece “o xesto de colaboración desinteresada dos veciños, que non puxeron inconveniente ningún para que o...
leer más