Charlas
A Casa da Cultura da Pontenova acollerá desde este venres, 2 de febreiro, unha actividade de ximnasia de mantemento de 17:00 a 18:00 horas, que se desenvolverá nese mesmo horario os seguintes venres. A inscrición pode facerse a través dalgún destes teléfonos: 982.34.22.77 ou 659.98.84.51. É unha actividade de promoción do deporte que se inclúe no programa Xunt@s de impulso da participación cidadá e asociacionismo na provincia promovido pola Deputación de Lugo.
Dentro deste mesmo programa tamén este venres, 2 de febreiro, ás 18:00 horas na Casa da Cultura da Pontenova terá lugar unha xornada sobre nutrición e hábitos saudables.
O Foro Social da Mariña organiza unha mesa redonda titulada “Sanidade pública: temos alternativas”. Será o martes 30 de xaneiro ás 20:00 horas no Salón Multiusos de Viveiro.
A organización explica que “o Foro Social da Mariña quere expresar os anceios das xentes que sofren as eivas do noso sistema de saúde. O Foro Social da Mariña quere axudar a devolver esperanza e repetir nestes tempos que na nosa terra temos os recursos, as persoas e os coñecementos para recuperar a participación e a proximidade na asistencia sanitaria”.
Ademais anuncian os participantes na mesa redonda: “Bernardino Pardo Teijeiro é médico de familia en Lugo e o seu traxecto vital representa un exemplo e un guieiro para os sanitarios, un amigo para os seus pacientes, ... Aos seus coñecementos e á súa experiencia xunta a humanidade que hoxe...
leer más
A Asociación de Belenistas da Diocese de Mondoñedo-Ferrol organiza para este sábado, 27 de xaneiro, co gallo da clausura do belén da catedral mindoniense, unha mesa redonda para falar dos Reis Magos. Será ás 20:00 horas no Salón de Coengos do Real Seminario Conciliar de Santa Catalina, na rúa Padre Sarmiento 1, de Mondoñedo.
O título é “Os Reis Magos: memoria, iconografía, literatura” e será unha viaxe máxica dende o belén da Catedral de Mondoñedo á infancia de Carlos Casares. Contará coa presenza do presidente da Fundación Carlos Casares, Xavier Casares; Carlos Henrique Fernández Coto, presidente de APATRIGAL; o escritor e xornalista Ramón Loureiro; e Gustavo Adolfo Garrido, secretario da Fundación Carlos Casares. Presenta e modera José Luis Fernández (Keno), presidente da Asociación diocesana de Belenistas.
A Casa dos Veciños da parroquia de Santo Adrao, no concello de Lourenzá, acollerá unha actividade sobre os entroidos de antes titulada “Tempo de faruleiros”. Será este domingo, 21 de xaneiro, ás 17:30 horas. Está organizada pola Asociación Patrimonio Laurentino e pola Asociación de Veciños San Adriano.
Os organizadores anuncian: “agora que remataron as festas de Nadal e o Entroido peta xa á porta, imos ter esta actividade tan bonitiña en colaboración coa Asociación de Veciños da parroquia de Santo Adrao. Lembraremos coa xente máis maior como eran os entroidos de antes e contaremos tamén con Xosé Manuel Seixas, un dos maiores especialistas en máscaras e entroidos tradicionais de Galicia. Comeza o tempo dos faruleiros e das faruleiras. Animádevos”.
O Concello de Burela presentará o 19 de xaneiro a súa adhesión ao Plan Estratéxico de Saúde Nacional
O Concello de Burela adhírese á Estratexia de Promoción da Saúde e Prevención do Sistema Nacional de Saúde, unha iniciativa dentro do Plan Estratéxico de Saúde Nacional.
O próximo 19 de xaneiro ás 19:00 horas no auditorio da Casa da Cultura, haberá un acto de presentación do proxecto á cidadanía que terá unha duración aproximada dunha hora.
Trátase dunha iniciativa do Ministerio de Sanidade cuxa finalidade é promocionar a saúde, a realización de actividade física, manter unha alimentación adecuada e previr enfermidades entre outros, co obxectivo de gañar anos de vida para a poboación e desenvolver estilos de vida máis saudables.
“A Estratexia de Promoción da Saúde e Prevención propón o desenvolvemento progresivo de intervencións identificadas como boas prácticas e baseadas na evidencia...
leer más
A aula universitaria da UNED de Foz está a iniciar un ciclo de presentacións da oferta educativa e dos diferentes recursos e servizos da UNED e, en concreto, da aula de Foz. Este dará comezo en Burela o día 11 de xaneiro no auditorio municipal ás 12:00 horas, e continuarase en Foz, no salón de actos do Instituto de Educación Secundaria en día e hora por determinar.
A coordinadora da aula, Marta Muiña Rodríguez, sinala que “estas charlas están dirixidas ao alumnado dos centros de ensino medio e ao público en xeral que poida estar interesado, para que coñezan de primeira man a oferta educativa, as titulacións e os recursos que presenta esta aula universitaria. O contido das mesmas irá orientado á presentación da aula e dos servizos cos que conta, dende os distintos graos ata o curso de acceso á universidade para maiores de 25 e 45 anos,...
leer más
Veñen de presentarse as XXIII Xornadas Mindonienses de Arqueoloxía, que organiza o Concello de Mondoñedo e que terán lugar os vindeiros 15, 16 e 17 de decembro do 2023. A actividade combina charlas e visitas a puntos de interese. As conferencias terán lugar no Pazo Santomé, na rúa Julia Pardo Montenegro, e as visitas serán a diversos puntos da parroquia de Masma, en Mondoñedo.
O programa comezará o venres 15 ás 19:30 horas coa entrega de documentación e co acto inaugural para arrancar a actividade propia do curso, ás 20:00 horas, coa intervención de Abel Vigo García e José Otero Rejes para abordar o tema das caleiras e da produción tradicional do cal en Mondoñedo, como conmemoración dos 20 anos da recuperación etnográfica da obtención de cal nos fornos de Masma. Na mesma darase un repaso polo catálogo de caleiras que se conservan no...
leer más
O Foro Social da Mariña promove unha palestra en Burela co título “Dereito ou negocio? Os servizos sociais. As residencias de maiores a debate”. O relator será o médico de familia Carlos Fernández Fraga e terá lugar no Salón de Conferencias de Burela (Antiga Biblioteca) este xoves, 30 de novembro ás 20 horas.
O Foro Social da Mariña explica que o obxectivo deste charla é “favorecer unha reflexión sobre o futuro das persoas maiores no proceso de envellecemento na nosa cambiante sociedade. Na Mariña vivimos cambios vertixinosos nas familias, na vivenda, nas necesidades de apoio social, nos coidados dos enfermos crónicos. E as residencias de maiores son unha parte de ese futuro, que teremos que artellar entre todos”.
O salón de actos do Concello de Lourenzá acolle unha mesa redonda titulada “Fernández del Riego: de Lourenzá a América” este venres, 1 de decembro, ás 19 horas.
Esta actividade está organizada polo Consello da Cultura Galega, que explica: “Francisco Fernández del Riego, natural dunha bisbarra con alta emigración a América que xa dera fillas ilustres ás letras uruguaias como Juana de Ibarbourou, foi un colaborador frecuente na prensa galega e galeguista da emigración e do exilio dende a súa mocidade, e de maneira particular nos anos da posguerra, adoito co pseudónimo Salvador de Lorenzana. Nas súas crónicas informaba aos ausentes da evolución cultural, social e económica de Galicia; e como representante do galeguismo do interior mantivo un elo estreito cos galeguistas do exilio. Nesta mesa abórdase a polifacética relación de Lourenzá e...
leer más