Barreiros
A sétima edición do Trail Monte Comado, de Barreiros, será o día 15 de outubro, domingo. Haberá dúas categorías: 12 quilómetros e 26 quilómetros. A saída e a meta estará na praza do Souto, en San Miguel de Reinante.
A inscrición realizase a través das páxinas web: http://www.mediokmverticalmontecomado.jimdo.com/, https://maiskmsbarreiros.gal/ e https://ccnorte.com/. O prazo estará aberto ata o 12 de outubro de 2023 ás 23:59 horas.
Haberá premios para as tres primeiras persoas clasificadas en cada categoría, así como para o gañador e a gañadora absolutos. A entrega dos mesmos terá lugar ao remate das carreiras.
Os interesados en participar poden...
leer más
Co fin de continuar na senda de ofertar actividades deportivas a crianzas e maiores para potenciar os hábitos de vida saudables e activos, o Concello de Barreiros vén de programar unha serie de actividades encadradas dentro das Escolas Deportivas Municipais para este período 2023-2024.
ACTIVIDADES PARA MAIORES (+16 ANOS)
- Ximnasia de Mantemento
- Espalda saudable
- Ioga
- GAP
- Zumba
ACTIVIDADES PARA MENORES
- Atletismo
- Patinaxe
- Fútbol sala
- Surf
- Natación
- Kárate
O venres 22 publicarase toda a información das escolas para menores na web municipal. O período de inscrición nas escolas deportivas dos menores abrirase o 25 de setembro.
E o luns 25 haberá unha reunión informativa á que se poden achegar todas...
O Colectivo Cultural Ollomao, de Barreiros, organiza un obradoiro de teatro infantil e xuvenil. A presentación da actividade e xornadas de portas abertas para as persoas que queiran probar será este sábado, 23 de setembro ás 16:30 horas nos Colexios Vellos de San Miguel.
Os organizadores anuncian: “tras o comezo do curso escolar chega o noso obradoiro de teatro infantil e xuvenil. Destinado a todas e todos os nenos e rapaces, o sábado 23 de setembro faremos unha xornada de portas abertas para que todas e todos os que sintades interese ou gañas de probar a ser actrices e actores o poidades facer sen ningún compromiso. Esperámosvos a todas e todos as 16:30 horas nos Colexios Vellos de San Miguel de Reinante”.
O Concello de Barreiros organiza para este sábado, 16 de setembro, ás 20 horas na biblioteca pública municipal a presentación do libro ‘En Brandán’ da escritora barreirense Lucía Ferro.
Segundo conta a autora, “a obra é unha novela negra no que é a estrutura e o seu desenvolvemento argumental. Pero despois, a maiores, ten bastante humor, os personaxes son moi normais, son xente que atopas nun pobo, nunha vila. Entón tamén atopas unhas conversas máis naturais, cun algún tabú que outro que ou ben se fala directamente ou ben se deixa entender. E logo ten tamén de parte curiosa que dá un aire a obra de teatro, porque cando comecei a escribilo fun poñéndome a min mesma o reto de mellorar as conversas. Así que empecei centrándome máis aí e digamos que iso acabou por facer que sexan o que ten máis peso no libro”.
Na biblioteca...
Desde este pasado luns, 4 de setembro, a Biblioteca Pública Municipal de Barreiros modificou o seu horario de apertura ofertando 50 horas semanais, 15 máis que no horario de tempada anterior. Agora está aberta os luns de 10:00 a 15:00 horas e de martes a venres de 10:00 a 19:00 horas.
O Concello de Barreiros explica que “con este novo horario continuo búscase que as persoas usuarias teñan máis flexibilidade á hora de utilizar os servizos que oferta a instalación”.
Hoxe presentouse a V edición da Concentración de Retroclásicos Barreiros que terá lugar mañá, 19 de agosto, no aparcadoiro da praia de Coto a partires das 10:00 horas.
No evento haberá unha exposición de motos e coches clásicos que poderá visitarse ata as 13:30 horas aproximadamente. Hora na que partirán todos os vehículos alí presentes dirección ao Restaurante da Yenka, onde terán unha comida de confraternización e haberá a entrega de trofeos.
Esta mañá deu comezo unha nova edición do campus de fútbol organizado polo Celta de Vigo e o Concello de Barreiros coa colaboración dos equipos de fútbol locais, C.F. Celta Barreiros e o Ibería C.F. que ceden as súas instalacións para o desenvolvemento do mesmo.
Con récord de participación e o 100% das prazas cubertas, 60 nenas e nenos foron recibidas esta mañá no campo de fútbol de As Valgas pola alcaldesa, Ana Ermida; o concelleiro de dinamización e participación veciñal, Dani García; e o coordinador do campus, Martín Varela.
Ás 9:30 horas recibiron a equipación completa de adestramento e xa comezaron a tocar balón e facer os primeiros exercicios e xogos que os adestradores tiñan preparados para esta primeira xornada.
Un ano máis, o Concello de Barreiros asume un desconto de 32€ para...
leer más
Presentouse na Praza de San Marcos o XL Festival Folclórico Internacional do Emigrante, que se celebrará o 5 de agosto en San Miguel de Reinante, en Barreiros, e que conta co apoio da área de Cultura da Vicepresidencia da Deputación de Lugo.
Ensemble Nicola Tesla de Belgrado (Serbia), Grupo Danses El Raval de Vila-Real (Castellón) e a Asociación Folclórica O Arco da Vella, organizadora do encontro xunto ao Concello de Barreiros, actuarán nesta mostra internacional que é un referente festivo e cultural para a veciñanza de Barreiros e da comarca e que conta coa distinción de Festa de Interese Turístico Galego.
O deputado de Medio Rural, do Mar e Mocidade Daniel García, a deputada de Cultura Iria Castro, a alcaldesa de Barreiros Ana Ermida e integrantes de O Arco da Vella participaron no acto de presentación no...
leer más
A presentación da novena edición da carreira “Benquerencia Terra Mar” foi realizada polos membros da Asociación Augas Santas Barreiros xunto con Daniel García, concelleiro de dinamización e deputado provincial e Manuel Otero, delegado provincial de deportes da Xunta de Galicia.
Esta carreira, organizada conxuntamente pola Asociación Augas Santas e o Concello de Barreiros, está incluída no circuíto +kmsBarreiros, promovido polo Concello para promocionar todas as carreiras que se realizan no termo municipal, sendo esta a súa cuarta proba da presente edición.
A cita do vindeiro 6 de agosto, ademais da carreira absoluta, contará con carreiras infantís.
A saída de tódalas categorías terá lugar en Benquerencia, na transversal entre Rúa de Lugo e a Rúa do Pinar (mesmo lugar que a edición...
leer más
A presentación da novena edición da carreira 1/2 km Vertical Monte Comado foi realizada polos membros da Asociación Praias de Comado xunto con Daniel Gacía, concelleiro de dinamización e deputado provincial e Manuel Otero, delegado provincial de deportes da Xunta de Galicia.
Esta carreira, organizada conxuntamente por dita asociación máis o Concello de Barreiros está incluída no circuito +kmBarreiros, promovido polo Concello para promocionar todas as carreiras que se realizan no termo municipal, sendo esta a súa terceira proba da presente edición. A cita do vindeiro 22 de xullo, ademáis da Carreira 1/2 km vertical, contará con carreiras infantís e unha andaina.
A saída da carreira vertical será ás 11h dende a praia de Arealonga, tendo a meta situada no cumio de Monte Comado. En pouco máis de 3,5 kms os...
leer más