Ribadeo
O pavillón municipal de deportes de Ribadeo situado na rúa Alfredo Deaño acollerá o segundo concurso de puzles solidario o 17 de marzo, domingo, desde as 10:00 horas. O evento está organizado por socias de AEPUZZ (Asociación Española de Puzzles) e a Asociación Cultural Ronqueta co apoio do Concello de Ribadeo e colaboradores como O Ferrado Marelo, Doctor Panush e Bis a Bis.
A ribadense Patricia Pérez Leal, de AEPUZZ explica que “A Mariña Lucense estase a consolidar, pouco a pouco, como un punto de referencia das persoas afeccionadas ós puzles, con varios concursos novos que tiveron lugar ó longo do 2023 nas súas poboacións e que contaron con gran aceptación. Despois do éxito do concurso de puzzles celebrado o ano pasado en Ribadeo, convocamos de novo o 2º Concurso Solidario PuzzlEO RibadEO, en colaboración coa Asociación Guillem Veiga...
leer más
A compañía Elefante Elegante representará a obra de teatro familiar titulada Cubo este domingo, 25 de febreiro, en Ribadeo. Será no auditorio municipal Hernán Naval ás 17:30 horas.
É unha creación destinada ao público familiar e infantil, a partir dos 4 anos preferentemente. O espectáculo ten orixe na abstracción desta figura xeométrica e parte da situación de confinamento para evocar a amizade, as separacións, a necesidade de descubrir o mundo e a aventura de medrar.
A estrutura escenográfica ten 2 metros de lado e as súas caras ábrense, péchanse, móntanse e desmóntanse. A figura xeométrica de 8 metros cúbicos é incriblemente sólida para soportar os corpos dos intérpretes e maxicamente lixeira para erguerse e xirar polo escenario como un enorme xoguete de madeira.
A agrupación cultural Francisco Lanza celebra o Día de Rosalía en Ribadeo cun recital este venres, 23 de febreiro, ás 19:30 horas. O acto será nas Catro Rúas, xunto ao mural de Rosalía, pero trasladarase ao Teatro se o tempo o aconsella.
“Comezamos de novo o ciclo anual de actividades. E de novo imos celebrar o Día de Rosalía. Súmate a este sinxelo, fermoso e emotivo acto. Agardámoste este venres 23, ás 19:30 horas, nas Catro Rúas, xunto ao mural de Rosalía. Ímoslle poñer voz á imaxe de Rosalía. Ímoslle dar vida aos seus poemas! Imos facer que volva a primavera”, anuncia a agrupación cultural Francisco Lanza.
Mi pequeña, de Raquel Raposo Acevedo, es la ganadora del décimo Concurso de Cartas de Amor convocado por la galería ribadense Terra Branca con motivo de la celebración del día de San Valentín.
José Ramón Leal, propietario de Terra Branca, comenta que “un año más el concurso ha sido un éxito de participación, porque hemos recibido 53 cartas procedentes de diferentes puntos de Galicia y de España. Estamos muy contentos. El jurado lo ha tenido difícil”.
Raquel Raposo nació en Barakaldo en 1968, unos años después de que sus padres emigrasen desde Ribeira de Piquín: “tardaron diez largos años en volver a Galicia a visitar a la familia y a presentar a sus dos primeras hijas. Llegamos a Ribadeo a la casa del tío Emilio y la tía Felicitas… Esos fueron los recuerdos que me vinieron al enterarme de que Terra Branca...
leer más
Este venres, 16 de febreiro, ás 20:00 horas, en Ribadeo, concretamente na Casa do Viejo Pancho, será presentado o libro titulado “Galicia latente”, escrito por Eduardo de Martís.
Ademais do autor, no acto intervirán Claudia del Pino, en representación da Mancomunidade de Concellos da Mariña; Elvira Posada, de Muiñeiras de Requiande; e a axente turística Noemi Díaz.
O libro recolle unha escolma de fotografías coas que o autor pretende achegarnos un retrato dunha Galicia diversa e moderna, así coma as novas formas de tecido cultural que están contribuíndo a conformar comunidade.
Acisa Ribadeo sorteou esta mañá os premios da campaña de San Valentín. Trátase de dúas viaxes para dúas persoas a escoller entre 5.100 destinos.
Segundo indicou o xerente da asociación, Jesús Pérez, “na maña de hoxe vimos de realizar o sorteo non presencial nas nosas oficinas dos premios da campaña Namórate con Acisa, con motivo da celebración do día de San Valentín. Os números agraciados son o 4.548, entregado en For Friends; e o 1.665 entregado en Miss-tic”.
Pérez Prada dixo que “tal e como indican as bases da campaña o sorteo realizouse a porta cerrada nas oficinas de Acisa na mañá de hoxe, 14 de febreiro, e foi retransmitido en redes sociais, onde se pode consultar o vídeo. O sorteo realizouse mediante un programa de xeración de números aleatorios entre as rifas editadas, que nesta ocasión foron un total de 8...
leer más
Esgotadas as prazas para participar na I Xornada de Tecnificación, que organizan FutbolínLugo e o Concello de Ribadeo coa colaboración da Xunta de Galicia.
O evento terá lugar o 26 de marzo de 10 a 14 horas e de 16 a 18 horas. A xornada, destinada a nenas e nenos de 6 a 15 anos, será impartida por adestradores titulados. Haberá un agasallo para todos os asistentes.
O concelleiro de Deportes, Francisco José Silvent, comentou que “estamos moi contentos pola resposta, xa que as prazas cubríronse en tempo récord. É un grande éxito e agardamos repetir máis edicións en Ribadeo”.
Na presentación desta I Xornada de Tecnificación participaron o concelleiro de Deportes, Francisco José Silvent, o técnico municipal de Deportes, Iván López, o xefe de Deportes da Xunta, Manuel Otero, e Diego Díaz...
leer más
Ribadeo acollerá a semifinal da Copa Galicia de Fútbol Sala Feminino, que disputarán o Pescados Rubén FS e o Poio Pescamar FS. Será o vindeiro mércores, 14 de febreiro, ás 20.30 horas no pavillón municipal.
O Pescados Rubén Burela foi elixido en xaneiro de 2021 e 2022 como o mellor club do mundo nos Futsal Planet Awards.
As burelesas veñen de proclamarse campioas da supercopa de España en Torremolinos contra o Poio Pescamar FS.
O concelleiro de Deportes, Francisco José Silvent, anima a presenciar este encontro "de fútbol sala feminino de primeiro nivel, que se vai disputar por primeira vez en Ribadeo. Estamos encantados de acoller este partido e agardamos poder repetir esta experiencia noutras ocasións".
Ribadeo acollerá en abril un curso básico de Protección Civil. O prazo de inscrición está aberto ata o 16 de febreiro.
A concelleira de Seguridade e Atención Cidadá, Montse Seijo, contou que “a Xunta de Galicia abriu o prazo de inscrición para a realización do curso básico de Protección Civil. Na provincia de Lugo impartirase de forma presencial en dous lugares, e concretamente un dos elixidos foi Ribadeo”.
A edil ribadense explicou que “as datas previstas son do 3 ao 7 de abril, sendo os días 3, 4 e 5 en horario aproximado de sete e media/oito da tarde a dez e media/once da noite, a razón de tres horas diarias. E a fin de semana en horario de mañá e tarde completando así as 32 horas de duración do curso, das que 22 son teóricas e 10 prácticas”.
Seijo anima a participar: “desde o...
leer más