Burela
Redrum Teatro presenta a obra titulada #2pilgrims, con Sheyla Fariña e Guillermo Carbajo, en Burela este venres, 15 de marzo. Será na Casa da Cultura ás 21:00 horas e as entradas teñen un prezo de 4 euros.
O Concello de Burela explica que é “unha comedia chea de sorpresas e momentos hilarantes que ten como obxectivo achegar, a través do humor, unha fonda reflexión sobre a igualdade e as novas masculinidades”.
“Queremos convidar ao público novo a reflexionar sobre o machismo que impregna a nosa sociedade”, sinalan dende a compañía. Por esta razón a obra forma parte da programación do Concello de Burela polo Día da Muller.
Redrum Teatro foi creada no ano 2009 por mozos e mozas procedentes do sector audiovisual e nace coa clara intención de ofrecer alternativas creativas que axuden ao desenvolvemento da...
leer más
“Hija de la Luna”, homenaxe a Mecano estará en Burela o 13 de abril ás 21:00 horas.
As entradas para o evento poden ser adquiridas en https://www.entradasatualcance.com/tickets-hija-de-la-luna-homenaje-a-me...
O tributo a Mecano 'Hija de la Luna' nace en 2016 en Sevilla, liderado pola vocalista Robin Torres, para replicar con total fidelidade os concertos dos madrileños case 3 décadas despois da súa última xira.
As áreas de Mocidade e Educación do Concello de Burela impulsan uns Obradoiros de Regueifa nos centros educativos do municipio, dirixidos tanto a alumnado de primaria como de secundaria.
A actividade xa tivo lugar no IES Monte Castelo e no CEIP Virxe do Carme, onde se repetirá os días 21 de marzo e 11 de abril respectivamente. Tamén se achegará a iniciativa ó IES Perdouro e ó CEIP Vista Alegre.
Os rapaces e as rapazas xa estiveron traballando nesta forma de expresión e improvisación cos seus mestres, para logo aprender en profundidade con Cristian Gómez da Asociación Erre que Erre.
“É unha actividade que cremos moi positiva para a mocidade, posto que os rapaces aprenden sobre a nosa cultura, practican o noso idioma, melloran o seu léxico, desenvolven a creatividade, a improvisación, a...
leer más
A Casa da Cultura de Burela acollerá o venres 8 de marzo ás 20:00 horas o pregón e a presentación do cartel da Semana Santa da localidade.
O pregoeiro será Mario Ferreiro, cofrade e anterior presidente da Cofradía da Semana Santa de Burela.
No acto actuarán Dambara-Santo Inocencio e Acordeonistas da Mariña.
A Asociación Deportiva de Sendeirismo Pasada das Cabras, de Burela, fará a ruta Camiño Vello de Aldosende, en Paradela, o sábado 9 de marzo. O prezo é de 35 euros para os socios do colectivo organizador e de 45 euros para os que non o son. Inclúe autobús, comida e seguro. A saída será ás 08:00 horas desde a estación de autobuses de Burela.
É unha ruta de dificultade moderada, con 11 quilómetros de percorrido. A organización recomenda levar bastón e calzado apropiado.
As persoas que queiran participar deben anotarse antes do 7 de marzo.
O Concello de Burela presenta a súa programación para conmemorar o 8 de marzo, Día Internacional da Muller.
Sandra Fernández, concelleira de Igualdade, convida a toda a veciñanza "a asistir aos actos en torno a esta data tan sinalada, que este ano teñen como broche de ouro a homenaxe ás guerreiras do equipo feminino do Pescados Rubén Fútbol Sala, mulleres que loitan pola igualdade e a visibilidade da muller no deporte".
Pola súa banda, a alcaldesa Carmela López sinala que “o 8M é un día para promover a loita por un mundo onde as mulleres sexamos socialmente iguais e totalmente libres, e por iso, dende Burela, imos homenaxear ás nosas guerreiras laranxas, as que están, as que estiveron e as que estarán, para que continúen abrindo camiño e,ademáis, facendo historia”.
“Animamos a toda a...
leer más
A sala de exposicións da Casa de Cultura de Burela acollerá unha mostra dos traballos realizados polas alumnas do curso de bordado do 1 ao 15 de marzo.
O acto inaugural terá lugar ás 18:00 horas deste venres, 1 de marzo, e servirá tamén como homenaxe a dúas mulleres burelás que formaron redes de apoio a través desta arte, anuncia a Delegación de Igualdade do Concello de Burela.
A mostra estará dispoñible para ser visitada ata o día 15 de marzo de luns a venres en horario de 11:00 a 13:00 e de 18:00 a 20:00 horas.
O libro titulado 'A tribo do mar', de Lois Pérez, será presentado na sala de conferencias do Concello de Burela este venres, día 1 de marzo, ás 18:00 horas.
Neste acto intervirán xunto ao autor o profesor e escritor Bernardo Penabade e a capitá do Pescados Rubén Burela de fútbol sala feminino e xogadora internacional, Daniela Domingos.
A Coral Polifónica de Burela está buscando novas voces. Os ensaios son os luns e xoves de 21:30 a 23:00 horas.
“Se queres aprender canto coral ou xa tes experiencia, queres mellorar a túa voz, gústache traballar en equipo e adoras a música … este é o teu lugar. Ven e proba o canto coral durante un mes sen compromiso”, din desde a Coral Polifónica de Burela, coa que se pode contactar a través do teléfono 608.25.25.88 ou do correo electrónico coralpolifonicadeburela@gmail.com.
A asociación cultural Xebra organiza un obradoiro de baile tradicional galego e foliada para este sábado, 24 de febreiro, en Burela. Será no local do colectivo, que está na rúa Leandro Cucurny, número 19, desde as 17:00 horas.
O evento comezará co obradoiro de baile, que será impartido por Iria Fernández Moscoso, e despois haberá unha foliada aberta.