Riotorto celebra a súa novena edición da Feira do Ferro o día 19 de abril, domingo. Está organizada polo Concello e a asociación Ferreiros de Riotorto.
O recinto feiral, que estará cuberto baixo carpa, abrirase ás 11 da mañá e media hora despois empezará unha demostración de oficios: pirograbado, alfarería, tear e torneado de madeira. Ás doce do mediodía terá lugar a inauguración oficial do evento coas actuacións dos Gaiteiros de Ritotorto e do Coro de Riotorto. A continuación comezarán as demostracións en vivo da artesanía do ferro a cargo de ferreiros de Riotorto, da Fonsagrada, do austríaco Friedrich Brasmsteidl, do compostelán Alberto Leis e de representantes do Centro de Interpretación de la Forja de Navarra.
No programa de actividades tamén se inclúe un obradoiro infantil de ferro, animación itinerante co espectáculo Paseo para dous a cargo da compañía Os Indianos, de Santiago de Compostela, e maxia de cerca a cargo do Mago Pi.