Eventos
O mércores 28 de febreiro o poeta, narrador, dramaturgo, ensaísta e investigador, Claudio Rodríguez Fer, recibirá a distinción de Cunqueiriano de Honra de 2024. Será no Salón de Plenos do Concello de Mondoñedo ás 12:00h, onde estará acompañado por autoridades locais e autonómicas. Converterase, así, no oitavo homenaxeado dende que se instituíu este galardón.
O Concello de Mondoñedo e a Casa Museo Álvaro Cunqueiro promoven a distinción de Cunqueiriano de Honra co fin de recoñecer o labor daqueles persoeiros que se teñen significado na visibilización e proxección da figura do escritor mindoniense.
Neste 2024 unha comisión designada ao efecto polo Concello de Mondoñedo e a Casa Museo Álvaro Cunqueiro, organizadores do evento, decidiu premiar a longa e vizosa traxectoria dun gran coñecedor da figura de Cunqueiro como é Claudio Rodríguez Fer...
A parroquia de Bravos, no municipio de Ourol, celebrará o Entroido na noite do luns 12 de febreiro con degustación de produtos típicos destas datas e baile.
As actividades empezarán ás 22:00 horas coa degustación de produtos de porco e doces típicos do Entroido. E haberá baile amenizado polo dúo Dilema e premios para os mellores disfraces en tres categorías: individual, parellas e grupos.
A festa celebrarase nunha carpa instalada ao lado do Centro Social de Bravos. Está organizada pola asociación de veciños Irmáns Vilar Ponte de Bravos, que conta coa colaboración do Concello de Ourol.
O Concello de Cervo organiza unha festa infantil de Entroido na carpa instalada na Praza dos Campos, de San Cibrao, para o luns 12 de febreiro a partir das 17:00 horas.
Haberá talleres, inchables, xogos e chocolate con churros.
A organización anima aos participantes a acudir disfrazados.
O desfile de Entroido en Trabada, que organiza a asociación cultural O Picato, celebrarase o sábado 24 de febreiro desde as 18:00 horas e repartirá 5.000 euros en premios, que se entregarán a partir das 00:30 horas.
Haberá verbena nun recinto con carpa amenizada polo grupo Fénix e o DJ The Sound Project e sortearanse cestas.
O Concello de Barreiros organiza actividades de Entroido para os días 11, 12, 14 e 16 de febreiro.
Este domingo, día 11, haberá festa infantil de disfraces con pintacaras, xogos e música. Será ás 17:00 horas no centro sociocultural con entrada libre.
Para o luns 12 e o mércores 14 están programadas actividades de Entroido para a cativada, de 10:00 a 13:00 horas no centro sociocultural. Para participar é Imprescindible inscrición previa no rexistro xeral do Concello de Barreiros.
O venres 16 celebrarase o desfile polas rúas de San Cosme con 1.000 euros en premios. Sairá ás 21:00 horas da Praza do Concello. Na rúa do centro de saúde haberá postos de comida e no exterior do centro sociocultural contaremos con DJ Eventec, que traerá moita festa para despois do desfile.
Colaboran...
Alfoz celebra unha festa de Entroido o luns 12 de febreiro no pavillón municipal. Está organizada pola Asociación Cultural e Xuvenil O Castelo, que conta coa colaboración do Concello.
Estará amenizada pola discomóvil Eventec e haberá novos premios na categoría de comparsas e charangas.
A organización anuncia: “o luns 12 de febreiro tedes unha cita no pavillón de Alfoz. Ás 19:30 horas abrimos inscricións e ás 21:00 comeza o desfile. Non o podes perder! Se queres participar nel, podes consultar as bases no seguinte enlace:
https://drive.google.com/.../1QARtsK9WX7xE2xvocTi.../view... Contaremos con bocadillos quentes, para quen queira encher o bandullo!”.
O sábado 17 de febreiro ás 22:30 horas celebrarase unha cea baile de Entroido no Casino de Mondoñedo. Estará amenizada polo dúo Zafiro e haberá premios para as mellores mascaritas.
O menú inclúe sopa, cocido completo, filloas e orellas, café e chupito. O prezo é de 30 euros para os socios do colectivo organizador e de 35 euros para os que non o son.
As tarxetas para asistir poden retirarse ata o 13 de febreiro.
A asociación cultural A Pomba do Arco organiza o domingo, 11 de febreiro, a partir das 20:30 horas no salón de actos do colexio Martínez Otero, de Foz, unha nova edición do Touporroutou, espectáculo xa clásico do Entroido focego, que como en anteriores ocasións correrá a cargo do grupo Touporroutou Teatro e o grupo de pandeireiteiras da Subela.
A Pomba do Arco quere convidar a todos os veciños e veciñas de Foz a colaborar con esta actividade, agudizando o enxeño e achegando as súas coplas ás diversas caixas colocadas en establecementos de Foz. A entidade organizadora indica que estas caixas atópanse “Eskina”, “Leyton”, “Happy Days”, “Xoyma”, “Anduriña”, “Muelle Bar”, “Cevexaría Augas Santas”, “Casa Damián”, “Pachán”, “A Bolera”, “Dandy” e “Xoiña”
O colectivo organizador introduce unha nova posibilidade de...
leer más
O Concello de Viveiro acollerá o programa Xunt@s da Deputación de Lugo, unha iniciativa coa que o Goberno provincial busca impulsar a participación cidadá e o asociacionismo. As actividades desenvolveranse entre os meses de febreiro e abril.
“Promover o benestar social da nosa cidadanía, fomentando encontros e actividades, é unha prioridade para nós como Goberno local. Por iso agradecemos á Deputación a nosa inclusión neste programa, con actividades deportivas e culturais”, sinala a concelleira de Benestar Social, Infancia e Saúde, Catalina Fernández.
Celebraranse unhas xornadas de promoción do deporte, os días 20, 22, 27 e 29 de febreiro; 5, 7, 12, 14, 19 e 21 de marzo; e 2, 4, 9, 11, 16 e 18 de abril. Serán de 11:30 a 12:30 horas no pavillón polideportivo municipal. Tamén haberá unha xornada sobre envellecemento activo, o...
A Casa do Mar é o escenario das partidas que se organizan durante as tardes ata principios de mes de marzo cando se decidirán as parellas gañadoras
A edil de Muller e Igualdade, Pilar Armada, mantivo un encontro de coordinación este mediodía coas participantes
O Concello de Cervo, a través da delegación de Muller e Igualdade que dirixe Pilar Armada, programa unha nova edición do campionato de tute e parchís con motivo do Día Internacional da Muller.
Este mediodía Armada, mantivo un encontro coas participantes inscritas -13 parellas de parchís e 7 de tute-, para coordinar as partidas que se empezarán a xogar desde este mesmo luns, na cafetería da Casa do Mar.
As gañadoras do primeiro, segundo e terceiro posto de cada modalidade recibirán un trofeo de cerámica de Sargadelos no xantar con motivo do Día da Muller...