Eventos
A asociación ribadense Amadores da Música, que preside Elisa Álvarez Amor, convoca asemblea xeral ordinaria de soci@s para o día 16 de marzo, sábado, no salón de actos da Casa do Mar, de Ribadeo. Está fixada para as 20:00 horas en primeira convocatoria e media hora despois en segunda. A orde do día inclúe a renovación da xunta directiva do colectivo.
Na asemblea tamén se tratarán estes outros asuntos: lectura e aprobación, se procede, da acta da asemblea anterior; estado de contas da asociación; informe de actividades desenvolvidas; informe do director da Banda; e preguntas e suxestións.
O Concello de Viveiro, en colaboración co Centro de Información á Muller (CIM), organiza concursos de fotografía e de debuxo escolar, conmemorativos do Día Internacional da Muller. O prazo para presentar os traballos remata o 8 de marzo.
Por unha parte está o Concurso de Fotografía Amateur Traballos e Mulleres, dirixido a fotógrafos/as afeccionados non profesionais e que sexan maiores de idade. “A temática das fotografías debe ser a muller e o traballo en calquera ámbito da vida, tanto público como privado, para visibilizar e concienciar sobre o papel da muller en todos os sectores da nosa sociedade”, explica a alcaldesa, María Loureiro.
Convocouse tamén o Concurso de Debuxo Escolar Mamá Traballadora, dirixido ao alumnado de 3º, 4º, 5º e 6º de Educación Primaria dos centros educativos do Concello de Viveiro. “A...
leer más
O Concello de Cervo prepara unha axenda cargada de eventos para celebrar o Día Internacional da Muller.
As actividades contan coa organización da delegación de Muller e Igualdade, que dirixe Pilar Armada, e as diferentes asociacións de mulleres do municipio: Asociación de Mulleres de San Ciprián, Amas de Casa “Alborada”, Mulleres Rurais “As Espalladoras” e Mulleres en Igualdade de Cervo.
O sábado día 9 de marzo terá lugar o tradicional xantar do Día Internacional da Muller, no restaurante O Noso Lar ás 15:00 horas. Todas aquelas mulleres do concello que desexen asistir poderán recoller os tíckets dispoñibles no propio local ata o 5 de marzo. Na comida farase entrega dos trofeos ás gañadoras dos campionatos de tute e parchís que se están a xogar estes días, así como un sorteo de agasallos cedido polas asociacións....
leer más
O vindeiro 31 de marzo partirá de Ribadeo a terceira edición da peregrinación O Camiño do Mar Concello a Concello, que organiza a asociación Amigos del Camino del Mar Peregrinación a Santiago de Compostela.
Serán un total de 277 quilómetros, divididos en 13 etapas duns 23 quilómetros entre Ribadeo e Neda, onde concluirán o 26 de xuño.
Manuel Vicente, presidente da asociación organizadora, comentou que “con esta acción nos proponemos el objetivo de promoción, divulgación del Camino del Mar y al mismo tiempo el conocimiento de por dónde discurría la antigua vía de peregrinación que atravesaba los ayuntamientos de: Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño, Narón y Neda bautizada con el nombre: El Camino del Mar. Una vez llegado a Neda,...
leer más
O Concello a través das súas redes sociais comunicou onte á noite á suspensión do desfile do Domingo de Piñata, debido ao mal tempo previsto para este domingo, día 25: “debido ás condicións meteorolóxicas previstas para a xornada de hoxe, dende o Concello e a Acial vémonos na obriga de aprazar o desfile de Domingo de Piñata. Nos vindeiros días publicaremos a nova data”.
E engaden: “lamentamos ter que tomar esta decisión e pedimos desculpas polas molestias que se puideran ocasionar. Que o mal tempo non nos saque a ninguén a ilusión do Entroido. Vémonos en breve”.
O Concello de Viveiro acolleu hoxe o acto de presentación do cartel da Semana Santa 2024.
O cartel deste ano é unha imaxe da procesión da Misericordia antes de chegar á Porta de Carlos V para adentrarse no casco histórico de Viveiro na madrugada do xoves ao venres Santo.
A fotografía é de Dani Caxete, un artista multidisciplinar de Celeiro. “É imposible ser de Viveiro e non emocionarse ao ver o cartel deste ano. Moitas grazas, Dani. Con esta elección, a Xunta de Cofradías volve apostar ademais por un artista local, algo que me fai sentir especialmente orgullosa”, asegurou a alcaldesa de Viveiro, María Loureiro, no acto, ao que tamén asistiron o resto da corporación municipal e Carmela López, deputada provincial e alcaldesa de Burela.
“Un ano máis, é emocionante pensar que xa queda tan...
leer más
“Esta cea é un acto de unión e de solidariedade entre as mulleres de Viveiro”, subliña a alcaldesa, María Loureiro.
O Concello de Viveiro, a través da Concellería de Muller e o Centro de Información ás Mulleres (CIM), celebra o próximo 9 de marzo a tradicional Cea-Baile de Irmandade con motivo da conmemoración do Día Internacional da Muller.
Esta iniciativa supón un punto de encontro entre as mulleres de Viveiro fomentando as relacións sociais e o seu tempo de lecer.
“Esta cea é un acto de unión e de solidariedade entre as mulleres de Viveiro”, subliña a alcaldesa, María Loureiro. A cita será o sábado 9 de marzo no Restaurante Louzao (Area-Viveiro)
A velada estará amenizada por un grupo musical e haberá sorteo de regalos. O custo será de 50 euros e as mulleres interesadas poderán retirar a súa tarxeta no restaurante Louzao de Area ata o xoves 7 de marzo....
leer más
O sábado 9 de marzo celebrarase en Ourol a quinta edición da súa xuntanza de coches clásicos. Será na explanada do Concello da partir das 10:00 horas, cando se realizará a recepción dos vehículos. Ás 11:30 comezarán un paseo turístico e a partir das 13:00 horas haberá sesión vermú amenizada por Discomóvil Conxuro.
Ás 14:30 empezará a comida, servida por Seiramar Eventos, co seguinte menú: callos, churrasco, sobremesa, café e chupito. O prezo é de 30 euros por persoa e para participar hai que reservar a través do teléfono 711.72.88.17. O prazo remata o 5 de marzo.
Haberá sorteos e premios para o vehículo máis antigo, de máis lonxe e mellor restaurado.
A Delegación de Servizos Sociais do Concello de Foz organiza un ano máis a xuntanza dos maiores. Nesta ocasión será o 2 de marzo, sábado, na carpa instalada na rúa Atalaia.
A concelleira de Servizos Sociais, Ana Rojo, explica que é “unha homenaxe de recoñecemento a toda unha vida de traballo, en tempos difíciles de moitas carencias, nunhas circunstancias e nun contexto social que condicionaron moito a vida e o entorno máis próximo dos nosos maiores. É de destacar o papel que xogaron homes e mulleres focegas, de todas as parroquias en todos os ámbitos do pobo para contribuír a facer un Foz mellor. É reseñable o traballo das mulleres nas tarefas do fogar, ademais de coidadoras de pais, nais, avós, fillos e netos, colaborando de maneira activa na economía familiar, traballando nas labores do campo, gandería, na venta de peixe polas casas, e de forma temporal nas...
O Desfile de Entroido de Lourenzá, que se celebrará o vindeiro domingo, 25 de febreiro, a partir das 16:30 horas, repartirá máis de 5.500 euros en premios. Na categoría infantil haberá premios para os mellores disfraces individuais, parellas e grupos. E na categoría de adultos: individual, parellas, grupos de 3 a 10 persoas, grupos de máis de 10 persoas e premio especial ao máis chistoso. Tamén haberá premios para as mellores carrozas, charangas e comparsas.
Inicialmente a entrega de premios está previsto que se desenvolva na praza do Conde Santo. Actuará o Dúo Belinda.
O Desfile do Domingo de Piñata está organizado polo Concello coa colaboración da Acial.