Festa
Pastelería Anduriña, de Foz, organiza a 7ª Festa da Empanada do 22 ao 27 de xuño.
Moncho Castro, o propietario do establecemento, explica que “durante eses días os amantes da empanada poderán degustar ata 40 tipos diferentes. Teremos, coma sempre, empanadas do mar, da terra, veganas, vexetarianas e doces”.
Na ampla oferta de empanadas de Pastelería Anduriña podemos atopalas salgadas de zamburiñas, de berberechos, de polbo con gambas, de pescada con gambas, de sardiñas, de carne de tenreira e cabrales, de zorza, de polo con patacas fritas, de espinacas con bechamel e tropezóns de xamón york e queixo, de cebola caramelizada, de salteado de verduras con tofu ou rechea de escalibada con bechamel. E doces como pastelón de mazá, de cabelo de anxo, capricho de crema ou torta de roxóns.
Moncho...
leer más
O Concello celebra o tradicional Maio este sábado, día 1, cunha exposición na praza do Conde Santo.
A alcaldesa, Rocío López, anuncia que “este sábado Lourenzá celebra o tradicional Maio.
Este ano, por mor da pandemia, farase dun xeito un pouco diferente e non haberá o percorrido habitual polas rúas da vila. Como alternativa e en recordo a esta festividade doutros anos o Concello colocará na praza uns Maios estáticos e unha exposición fotográfica en lembranza a edicións pasadas. Esta mostra instalarase mañá, venres, e poderá verse ata o luns”.
O vindeiro luns, 11 de xaneiro, terá lugar a X Festa do Comercio de Acisa, que repartirá 4.000 euros en premios. O sorteo por primeira vez non será presencial por mor da actual situación sanitaria, pero emitirase a través do facebook da asociación.
Desde o pasado 4 de decembro e ata o 10 de xaneiro as rifas estarán a disposición dos clientes de todos os negocios asociados a Acisa Ribadeo. O xerente, Jesús Pérez, explica que “aínda quedan rifas nalgúns locais comerciais. Cando a xente a acuda a facer as súas compras de rebaixas estes días que as pida. Sabemos que tamén hai establecementos que as esgotaron. Puxemos en circulación 125.000 rifas, que para que sexan válidas teñen que ir debidamente seladas polos establecementos que participan na campaña de Nadal”. Pérez Prada dixo que “o que ten que facer a xente estes días é xuntar todas as...
leer más
Os organizadores sinalan que "debido á situación actual que estamos a vivir como consecuencia do COVID-19, a directiva da A. C.D. Penalba apraza a festa da merluza do pincho de Celeiro, que tería lugar o próximo 18 de xullo e así previr posibles problemas que se podían ocasionar e garantir a saúde de tod@s, xa que a saúde e a seguridade de tod@s é o máis importante. Ánimo!, e vémonos en xullo do vindeiro ano 2021".
E engaden: "o noso agradecemento para @s colaboradores sen os cales sería imposible levar adiante a Festa: Puerto de Celeiro SA; Cofradía de Pescadores de Celeiro; Concello de Viveiro; Repsol; Deputación de Lugo; Abanca; Grupo Gadisa; e tod@s @s nos@s voluntari@s que fan que a Festa, ano tras ano, sexa un éxito".
O Coronavirus obriga a suspender a Festa do Ourizo, que se ía celebrar en San Ciprián este sábado, 14 de marzo. Como precaución para evitar posibles contaxios e seguindo as recomendacións realizadas polas autoridades sanitarias é por iso que de adoptou esa medida desde a organización do evento gastronómico.
A XXIX edición da Festa do Ourizo terá lugar o sábado 14 de marzo, en San Ciprián. A cita foi presentada polo edil de Turismo, David Rodríguez, polas concelleiras de Cultura e Medio Ambiente, e por representantes da hostalería local.
A Festa volve contar cun programa cheo de actos e actividades que terán como gran protagonista ao ourizo.
Deste xeito, avanzaron que “un ano máis organizamos un show cooking, que terá lugar na carpa instalada na Praza dos Campos, a partir das 11:45 horas, no que gozaremos vendo as habilidades culinarias en vivo de catro prestixiosos chefs e unha pasteleira todos eles integrantes da Asociación de Cociñeiros da Mariña Lucense que cociñarán ante as persoas asistentes sorprendentes e innovadoras receitas elaboradas coa base do ourizo: Bruno Pena do Oca Playa de Foz Hotel & Spa,...
leer más
A vila de San Ciprián celebrará a XXVII Festa do Mexillón o sábado 29 de febreiro.
Deste xeito, durante todo o día, oito establecementos da vila ofertarán tapas que terán como denominador común o mexillón, en todas as súas variedades e en múltiples combinacións e receitas: en empanada, croquetas, ao vapor, en vinagreta, en pizza, en paté…
O edil de Turismo, David Rodríguez, e a concelleira de Cultura, Dolores García Caramés, presentaron a Festa cunha representación dos hostaleiros de San Ciprián.
Participarán O Noso Lar, Nordesía, Las Titas, O Pulgas, O Faro, Maruxaina, O Trasgo e a Bodega. Ademais editáronse folletos informativos nos que se especifican algunhas das variedades que se poderán saborear en cada un dos locais.
Rodríguez e Caramés precisaron que “...
leer más
O CF Celta e Os Macanudos de Barreiros organizan a III edición da Festa do Cocido, que se celebrará este domingo, 2 de febreiro, ás 14:00 horas no polideportivo de San Cosme.
O menú estará composto de sopa de cocido, cocido, postre, viño, auga, refrescos, pan, café e chupito. O prezo será 20 euros para os adultos e 12€ para os nen@s (ata 10 anos).
O xantar será servido polo catering Chao dos Navais.
A venda de tíckets é na cafetería do centro social e Bar Miranda. As persoas interesadas poden facer as reservas nos números de teléfono 659 392 666 e 609 575 536 ata o 28 de xaneiro.
Haberá sorteo de regalos e o baile estará amenizado polo Dúo Estrellas.
O Concello de Barreiros colabora coa organización deste evento.
A Comisión de Festas de Vilamar organiza a X edición da Festa dos Callos que se celebrará este sábado, 18 de xaneiro.
Esta cita gastronómica dará comezo ás 21:30 horas. Terá lugar no campo da festa e desenvolverase nun local pechado con calefacción.
O menú estará composto por callos, elaborados por Azucena, costela asada con pementos e patacas, postre, viño, auga, refrescos, café e chupito. O prezo será 23 euros por persoa, e 10 euros para nen@s de 6 a 12 anos. A festa estará amenizada polo grupo Lecer.
Patrocinan este evento: Xunta de Galicia, Xacobeo 2021 e Concello de Barreiros.
A parroquia de Rúa celebrará a súa tradicional Festa da Candelaria o venres 31 de xaneiro, e o 1 e 2 de febreiro.
A cita foi presentada polo edil de Turismo, David Rodríguez, a concelleira de Cultura, Dolores García Caramés, e polos membros da comisión de festas, Alexis e Antonio Villarquide.
Deste xeito, dende o Concello convidan a todo o mundo a asistir a esta festa na honra á Virxe da Candelaria que se prolongará durante esa fin de semana cun programa repleto de actos que debullamos a continuación:
O venres, 31 de xaneiro, haberá verbena coas orquestras Los Satélites e Trébol.
O sábado, día 1, ás 13:00 horas, celebrarase unha misa solemne cantada polo Coro Parroquial de Cervo, seguida de procesión. A continuación, haberá sesión vermú con La Favorita, que...
leer más